Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

«Aýyl» partııasy atynan prezıdent saılaýyna Tóleýtaı Rahymbekov usynyldy

2019 jyldyń 25 sáýir 2019 15:49

NUR-SULTAN. QazAqparat - «Aýyl» halyqtyq-demokratııalyq partııasy 2019 jyldyń 9 maýsymynda ótetin kezekten tys prezıdent saılaýyna Tóleýtaı Rahymbekovti usyndy, dep habarlaıdy QazAqparat tilshisi.

Bul týraly partııa tóraǵasy Álı Bektaev elordada «Aýyl» halyqtyq-demokratııalyq partııasynyń kezekten tys XV sezinde málimdedi.



null

«Aýyldardyń, ásirese kópbalaly januıalar, aýyl sharýashylyǵy máseleleri maǵan jaqsy tanys. Sonymen birge, qaladaǵy turǵyn úı-kommýnaldyq sharýashylyǵy, jol, kásiporyndar, óndiris, ǵylym taqyrybynda da tájirıbem jeterlik», - dep atap ótti T. Rahymbekov.

Partııanyń kezekten tys XV sezinde pikirtalas júrip jatyr, kandıdat keıinirek daýys berý arqyly bekitiledi.

Tóleýtaı Sataıuly Rahymbekov 1964 jyly Qaraǵandy oblysy Jańaarqa aýdanynyń Atasý kentinde týǵan. 1986 jyly Qazaq aýylsharýashylyq ınstıtýtyn ınjener-mehanık mamandyǵy boıynsha úzdik bitirgen. 1992 jyly Máskeýde Búkilodaqtyq aýyl sharýashylyǵyn elektrlendirý ǵylymı-zertteý ınstıtýtynyń aspırantýrasyn támamdaǵan. 2001 jyly E. Bóketov atyndaǵy Qaraǵandy memlekettik ýnıversıtetin zańger mamandyǵy boıynsha bitirgen. 2005 jyly Ekonomıka ǵylymdarynyń doktory atanǵan.

Eńbek jolyn ol 1986 jyly Qazaq aýylsharýashylyq ınstıtýtynyń kishi ǵylymı qyzmetkeri, aspıranty bolyp bastaǵan. 1987 jyly - Jezqazǵan oblysy Jańaarqa aýyl sharýashylyǵyn mehanıkalandyrý jáne materıaldyq-tehnıkalyq jabdyqtaý kásipornynyń (aýdanaýylshartehnıka) ınjener-aqaý jóndeýshisi, tseh sheberi, aǵa baqylaýshy sheberi, aǵa ınjener-tehnology.

1989 jyly - Búkilodaqtyq aýyl sharýashylyǵyn elektrlendirý ǵylymı-zertteý ınstıtýtynyń aspıranty. 1992 jyly - «Jazıra» ShJK dırektory, «Dana» ShJK dırektory, «DanaBıznes» shaǵyn bıznes ortalyǵy» AQ prezıdenti, «Jezqazǵan oblystyq shaǵyn jáne orta bıznes ortalyǵy» JShS bas dırektory. 1999 jyly - Qaraǵandy oblysy Sátbaev qalasy ákiminiń orynbasary.

2001 jyly - O.Baıqońyrov atyndaǵy Jezqazǵan ýnıversıtetiniń kafedra dotsenti.

2002 jyldan - QR Aýyl sharýashylyǵy mınıstrliginiń basqarma bastyǵy, departament dırektory. 2006 jyly - QR Kólikjáne kommýnıkatsııalar mınıstrliginiń departament dırektory. 2007 jyldan - QR Aýyl sharýashylyq mınıstrligi janyndaǵy «QazAgroInnovatsııa» AQ prezıdenti. 2009 jyldyń naýryzynan - QR Premer-mınıstri orynbasarynyń keńesshisi. 2009 jyldyń qarashasynan - «Qazaqstan turǵyn úı-kommýnaldyq sharýashylyǵyn modernızatsııalaý jáne damytý ortaǵy» AQ basqarma tóraǵasy.

2009 jyldyń jeltoqsanynan beri - Qaraǵandy oblysy ákiminiń orynbasary boldy. Keıinirek, TKSh ulttyq palatasyn, «Atameken» UKP Agrobirlik ortalyǵyn basqaryp, QR aýyl sharýashylyǵy vıtse-mınıstri qyzmetin atqarǵan. 2019 jyldyń sáýir aıynan beri «Ulttyq agrarlyq ǵylymı-bilim berý ortalyǵy» AQ basqarma tóraǵasy boldy.

Eske sala ketsek, 9 sáýirde respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev elimizdiń Konstıtýtsııasyna sáıkes QR Prezıdentiniń kezekten tys saılaýyn 2019 jyldyń 9 maýsymynda ótkizý jóninde sheshimin jarııalady.

Joǵary qaraı