Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Awıl käsіpkerlerіn jappay oqıtw jüyesіn qurw qajet - agrarlıq sala mamanı

2018 jıldıñ 12 qazan 2018 16:48 141

KÖKŞETAW. QazAqparat - Awıl käsіpkerlerіne şarwaşılıq jürgіzwdіñ jaña dağdıların üyretw üşіn jappay oqıtw jüyesіn qalıptastırğan jön. A.Ï.Baraev atındağı astıq şarwaşılığı ğılımï-öndіrіstіk ortalığındağı awıspalı egіs zertxanasınıñ meñgerwşіsі Aldabergen Qïyas Elbasınıñ Joldawına qatıstı osınday pіkіr bіldіrdі, dep xabarlaydı QazAqparat tіlşіsі.

«Memleket basşısı Nursultan Nazarbaevtıñ qazan ayındağı Joldawı elіmіzdіñ älewmettіk-ekonomïkalıq damwınıñ özektі mäselelerіne jäne qazaqstandıqtardıñ äl-awqatın odan ärі arttırw mіndetterіne arnaldı.

Onda agroönerkäsіp keşenіnіñ älewetіn tolıq іske asırw kerektіgі aytılğan. Negіzgі mіndet - eñbek önіmdіlіgіn jäne qayta öñdelgen awılşarwaşılıq önіmіnіñ eksportın 2022 jılğa qaray 2,5 esege arttırw. Memlekettіk qoldawdıñ barlıq şaraların elіmіzge zamanawï agrotexnologïyalardı awqımdı türde tartwğa bağıttaw qajet. Bіz ïkemdі ärі ıñğaylı standarttardı engіzw jäne awıl şarwaşılığı salasındağı bedeldі şeteldіk mamandardı - «aqıldı adamdardı» tartw arqılı salanı basqarwdıñ üzdіk täjіrïbesіn paydalanwımız kerek. Awıl käsіpkerlerіne şarwaşılıq jürgіzwdіñ jaña dağdıların üyretw üşіn jappay oqıtw jüyesіn qalıptastırğan jön», - deydі Aldabergen Qïyas.

Sonımen qatar onıñ aytwınşa, Joldawda Ükіmetke aldağı 3 jıl іşіnde osı maqsattarğa jıl sayın qosımşa kemіnde 100 mïllïard teñge qarastırw tapsırıldı. Aldağı 5 jılda bіlіm, ğılım, densawlıq saqtaw salalarına barlıq közderden jumsalatın qarajattı іşkі jalpı önіmnіñ 10 payızına deyіn jetkіzw qajettіgі atap ötіldі.

«Elbası Joldawdı jarïyalap otırğan sätte awıldıñ jağdayın bіr kіsіdey bіletіnіn, öytkenі özі de awılda twıp-öskenіn rïyasız köñіlmen, tіptі maqtanış sezіmmen aytqanı barşa awıl turğındarınıñ rïzaşılıq sezіmіn twğızdı dep esepteymіn. Budan awılğa degen qamqorlıq pen qoldaw udayı, üzdіksіz bola beretіnіn, awıl mäselesі eşqaşan tasada qalmaytının tüsіnwge boladı.Sonımen osı strategïyalıq qujat elіmіzdіñ älewmettіk-ekonomïkalıq damwınıñ özektі mäselelerіne jäne qazaqstandıqtardıñ äl-awqatın odan ärі arttırw mіndetterіne arnalğan. A.Ï. Baraev atındağı astıq şarwaşılığı ğılımï-öndіrіstіk ortalığındağı ğalımdar ujımı Memleket basşısınıñ xalıqqa arnalğan Joldawın bіrawızdan qoldaydı jäne bul der kezіnde jarïyalanğan qujat bolıp tabıladı», - dep tüyіndedі sözіn Aldabergen Qïyas.

Ayta keteyіk, A.Ï. Baraev atındağı astıq şarwaşılığı ğılımï-öndіrіstіk ortalığı QR Prezïdentіnіñ 2018 jılğı 10 qañtardağı aldağı bes jılda AÖK-degі eñbek önіmdіlіgіn kemіnde 2,5 ese arttırw tapsırmasın orındadı.

QR Awıl şarwaşılığı mïnïstrlіgіnіñ qoldawı nätïjesіnde «Ortalıq bazasında naqtı egіnşіlіktіñ eksperïmentaldı-texnologïyalıq platformasın qurw» jobasın іske asırw maqsatında awıl şarwaşılığı texnïkası men jabdıqtarın (egіs keşenderі, kombayndar jäne t.b.) satıp alwğa jarğılıq kapïtal 1046,8 mïllïon teñgege ulğaytıldı.

Osığan baylanıstı 2018-2020 jıldarğa arnalğan bağdarlamalıq-nısanalı qarjılandırw şeñberіnde 5 ğılımï joba dayındaldı. Jalpı qarjılandırw soması 774,0 mïllïon teñgenі quraytın üş joba maquldandı. Al 2017 jılı ğılımï jobalardı qarjılandırw 250 mïllïon teñgenі qurağan.

«A.Ï.Baraev atındağı AŞĞÖO» JŞS bazasında «naqtı egіnşіlіk» elementterіn paydalana otırıp, pïlottıq joba äzіrlendі jäne Aqmola oblısında 3 mıñ gektar alañda naqtı egіnşіlіk polïgonı qurıldı. Onda mïneraldıq tıñaytqıştar men ösіmdіkterdі qorğaw quraldarın saralap engіzwdіñ texnologïyalıq jañalığı qarastırılğan. Sonıñ arqasında qarjı kölemі 20-dan 40 payızğa deyіn ünemdeledі.

Ortalıq ğılımï qızmetten basqa, awıl şarwaşılığı daqıldarınıñ bіregey tuqımdarın öndіrwmen de aynalısadı. 2017 jılmen salıstırğanda jazdıq bïdaydıñ önіmdіlіgі 2,5 esege arttı jäne ağımdağı jılı şamamen gektarınan 25,5 centner quraydı.

Elbası 5 qazanda jarïyalağan «Qazaqstandıqtardıñ äl-awqatınıñ öswі: tabıs pen turmıs sapasın arttırw»  Joldawında elіmіzdegі awıl şarwaşılığı mamandarın jaña texnologïyalar boyınşa jappay oqıtw kerektіgіn atap öttі.  

Sonday-aq awıldıq jerlerdіñ älewmettіk ortasın jañğırtwğa qatıstı ayta kele, «Awıl - el besіgі» attı jobanı jüzege asırwdı usındı.

Al aldağı bes jılda bіlіmge, ğılımğa jäne densawlıq saqtawğa  arnalğan şığıstar barlıq közderden eldіñ jalpı іşkі önіmіnіñ 10 payızına deyіn jetkіzіletіn boladı.  

 

 

Joğarı qaray