Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Aýmaǵynda esirtki satylǵan shymkenttik JOO-ny arnaıy komıtet tekseredi

2019 jyldyń 21 shilde 2019 18:53 312

NUR-SULTAN. QazAqparat – QR Bilim jáne ǵylym mınıstriniń keńesshisi Erbolat Muhamedjan aýmaǵynda esirtki satylǵan shymkenttik JOO týraly málimet berdi, dep habarlaıdy QazAqparat tilshisi.

Erbolat Muhamedjan óziniń Facebook paraqshasynda Bilim jáne ǵylym salasyndaǵy baqylaý komıteti osy JOO-ǵa tekseris júrgizip jatqanyn aıtqan.

«Qazirgi ýaqytta atalmysh faktige qatysty tekseris júrip jatyr. Bilim berý máselesinde JOO-nyń menshik nysany mańyzdy emes, eń bastysy - bul oqý orny jáne mundaı jaǵdaıǵa múldem jol berýge bolmaıdy. Atalmysh JOO-nyń jeke menshik ekenin jáne onda memlekettik tapsyrys bolmaǵanyn áleýmettik jelilerde osy mekemeniń Shymkent qalasyndaǵy eń úlken memlekettik JOO degen jańsaq pikir taralýyna oraı naqtylaǵan bolatynmyn», - delingen jazbada.

Onyń aıtýynsha, qazirgi tańda mınıstrlik menshik nysanyna qaramastan, barlyq JOO-larǵa qoıylatyn talaptardy kúsheıtý sharalaryn qabyldap jatyr.

«Bilim jáne ǵylym mınıstrligindegi sybaılas jemqorlyqqa qarsy jobalyq keńseniń jumysyn atap aıtqym keledi. Qazir keńse emtıhan júrip jatqanyn eskere otyryp, JOO men kolledjderde «qupııa satyp alýshy» ádisimen jumys atqarýda. Sonyń ishinde jazǵy semestrler men basqa da naýqandardyń qalaı ótkiziletini tekserilýde» - dep jazdy mınıstrdiń keńesshisi.

Eske salsaq, Shymkent qalasynyń polıtsııa qyzmetkerleri jedel izdestirý kezinde qala ýnıversıtetteriniń biriniń sport zalynda esirtki zatyn tutyný úshin prıton uıymdastyrylǵanyn anyqtaǵan bolatyn.

Joǵary qaraı