Aýa raıy
Astana 9 °S
Almaty 13 °S
valıýta baǵamy
USD 389.62
EUR 429.98
RUB 6.06
CNY 55.08

Atyraýdan 30 myń tekshe metr sý shyǵaryldy

2019 jyldyń 24 sáýir 2019 02:00

ATYRAÝ. QazAqparat - Atyraýda 17 sáýirden beri barlyǵy 30 myń tekshe metr sý shyǵaryldy, dep habarlaıdy QazAqparat.

Aıta keteıik, 16 sáýir túninde Atyraýda nóser jaýyn jaýyp, ol 17 sáýir kúni de jalǵasty. Al 18-shi sáýir kúni keshkisin qalyń qar tústi. Sonyń saldarynan kósheler men jeke úılerdi, mektepterdi, balabaqshalar men ózge de áleýmettik nysandardy sý basty.

«Qalaǵa sý aǵyla bastaǵanda 60 vakýým iske qosyldy. Aldymen sýdy «Sý arnasy» jáne «Arnaıy avtobaza» mekemeleriniń tehnıkalary sorǵyta bastaǵan bolatyn. Alaıda, olardyń jaǵdaıdy turaqtandyrýǵa kúshi jetkiliksiz ekendigin baıqaǵan soń biz jeke ıeliktegi kompanııalardyń arnaıy tehnıkalaryn tarta bastadyq. Kómekke janarmaı quıý stansalary keldi. Olar tehnıkalarǵa tegin jaǵarmaı quıyp berdi. Oqıǵamen baılanysy 30 elektrıkter brıgadasy jumys istedi. Olar qalyń qardyń saldarynan bir-birine jabysyp qalǵan symdardy retke keltirýmen aınalysty. Oblys ortalyǵynan barlyǵy 30 tekshe metr sý sorǵytyldy»,- dep habarlady qala ákiminiń orynbasary Shákir Sheıkın.

Alaıda onyń aıtýynsha, sý basyp jatqan kóppáterli úıler men balalar alańdary áli de bar. Sondyqtan qyzyl sý men jańbyr sýyn sorǵytýmen «Sý arnasy» mekemesi aınalysyp jatyr.

Avtory: A.Sokolov

Avtor Aıdar Ospanalıev
Basty sózder: Oqıǵa, Atyraý oblysy,
Joǵary qaraı