Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Atyraýdaǵy perınataldy ortalyqta ınfektsııa anyqtaldy - DSM

2019 jyldyń 21 qazan 2019 18:04

NUR-SULTAN. QazAqparat – Sábı ólimi tirkelgen Atyraý oblystyq perınataldy ortalyqta ishki aýrýhanalyq ınfektsııa anyqtalǵan. Bul týraly QR DSM Taýarlar men qyzmetter qaýipsizdigi jáne sapasyn baqylaý komıtetiniń tóraıymy Lıýdmıla Bıýrabekova aıtyp berdi, dep habarlaıdy QazAqparat tilshisi.

«Densaýlyq saqtaý vıtse-mınıstri Lázzat Aqtaevanyń tóraǵalyǵymen 26 adamnan turatyn komıssııa 5 qazan kúni jumysqa kirisip, jumystaryn 18 qazanda aıaqtady. ıAǵnı, komıssııa jalpy aımaqtaǵy balalar ólimine ne sebep bolǵanyn anyqtaý úshin taldaý jumystaryn júrgizdi. Dál osy Atyraý oblystyq perınataldy ortalyqta tamyz-qyrkúıek aılarynda bala óliminiń nelikten kóbeıip ketkenin zerttedik», - dedi Lıýdmıla Bıýrabekova Parlament Senatyndaǵy Úkimettik saǵattan keıin tilshilerdiń suraǵyna jaýap bere otyryp.

Komıtet basshysynyń aıtýynsha, Atyraýdaǵy sábı ólimi tirkelgen oblystyq perınataldy ortalyqtan ishki aýrýhanalyq ınfektsııanyń bary anyqtalǵan.

«Ol – bakterıaldy ishki aýrýhanalyq ınfektsııa. Qazirgi qoldanystaǵy zań boıynsha ol aýrýhanada komıssııa-ınfektsııalyq baqylaý bolýy kerek bolatyn. Alaıda ol ortalyqta ol komıssııa sóz júzinde ǵana jumys istegen», - dedi ol.

Eske salaıyq, Sybaılas jemqorlyqqa qarsy qyzmet jańa týǵan sábıdiń ólimine, sondaı-aq, jemqorlyq qylmystar boıynsha kúdikti Atyraý oblystyq perzenthanasynyń bas dárigerine qatysty istiń mán-jaıyn baıandady.

Atyraý oblysyna QR Densaýlyq saqtaý vıtse-mınıstri bastaǵan respýblıkalyq densaýlyq saqtaý uıymdarynyń mamandary keldi. Olar oblystyq perınataldyq ortalyqtyń dárigerlerine kómek kórsetedi.

Sondaı-aq, perınataldyq ortalyqtyń 31 qyzmetkeri jumystan ketý týraly ótinish jazǵany belgili boldy.

Joǵary qaraı