Aýa raıy
Astana 21 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

Atyraýda zańsyz qyzmet etken Ózbekstan azamattary ustaldy

2019 jyldyń 20 shilde 2019 05:26 232

ATYRAÝ. QazAqparat- Atyraýda egistik basynda jáne qurylysta zańsyz eńbek etken Ózbekstan azamattary ustaldy, dep habarlaıdy QazAqparat tilshisi. 

«15 er azamat qala syrtyndaǵy alyp qurylystardyń birinde zańsyz jumys istegen. Qurylysshylar 3 qatarly jataqhana salyp jatqan. Olardyń barlyǵyna QR ÁQbtK 517-baby 5 bóligi boıynsha hattamalar toltyrylyp, sotqa joldandy», - dep habarlady kóshi-qon qyzmetiniń mamandary. 

Sonymen qatar, sheteldikterdi zańsyz jumysqa tartqan Atyraý turǵynyna qatysty ákimshilik shara qoldanylyp, 126 myń teńge kóleminde aıyppul salyndy.
Ózbek azamattary egis alqaptarynda da jumys istegen.

Sondaı-aq, óńirdegi aýyldardyń birindegi sharýa qojalyǵynda zańsyz jumys istegen 10 azamat anyqtaldy. Olar el aýmaǵyna kirý zańdylyǵyn buzǵanymen qoımaı, ruqsat etilmegen qyzmetpen aınalysyp, nápaqa tapqan. 

Jalpy 16-19 shilde aralyǵynda ótken «Zańsyz kelýshi» jedel aldyn alý sharasy barysynda tıisinshe qujattaryn kórsete almaǵan 34 sheteldik qabyldap bólý ortalyǵyna jetkizilse, 14 ózge el azamaty Qazaqstannan sot úkimimen shyǵarylǵan. 

Sheteldikterdi zańsyz qyzmetke tartýdyń jaýapkershiligi baryn bile tura, arzan eńbek kúshine qyzyqqan 43 Qazaqstan azamaty endi qomaqty aıyppul tóleıtin bolady.

Joǵary qaraı