Awa rayı
Astana 23 °S
Almatı 34 °S
valyuta bağamı
USD 361.66
EUR 409.51
RUB 5.41
CNY 52.36

Atırawda tüngі sot jumıs іsteydі

2018 jıldıñ 21 şіlde 2018 01:08 622

ATIRAW. QazAqparat - Atırawda tüngі sot jumıs іsteydі, dep xabarlaydı QazAqparat tіlşіsі oblıstıq sottıñ baspasöz qızmetіne sіlteme jasap.

Bul twralı Atıraw oblıstıq sotınıñ azamattıq іster jönіndegі sot alqasınıñ törağası Manat Komïrşïnov pen Atıraw oblıstıq Іşkі іster departamentі bastığınıñ orınbasarı Berіk Amangeldіnіñ kezdeswі barısında mälіm boldı.

Kezdeswde M.Komïrşïnov Atırawda şet elderdіñ täjіrïbesі negіzіnde usaq іsterdі qarawğa waqıt bölw üşіn tüngі sottıñ jumısı engіzіletіnіn ayttı. Onıñ sözіnşe, munday іsterge jol-kölіk oqïğası, otbası-turmıstıq qatınastar, usaq buzaqılıq jäne t.b. quqıqbuzwşılıqtar jatadı.

«Erejege säykes, JKO qatıswşılardıñ іstі sağat 13.00 den 22.00 aralığında qarawğa kelіsіmі bolğan jağdayda, ökіlettі organnıñ qızmetkerі sotqa kelw twralı waqıtı men ornı körsetіlgen talondı toltırıp, äkіmşіlіk quqıqbuzwşılıq twralı xattamanı joldaydı. Bul räsіm JKO bolğannan keyіn üş täwlіkten asıp ketpewі tïіs. Eger de JKO qatıswşı öz pіkіrіn özgertw jönіnde şeşіm qabıldasa, swdya іstі jalpı tärtіpte qaraw üşіn keyіnge qaldıradı»,-delіngen sot taratqan xabarlamada.

Ayta ketw kerek, «Tüngі sot» pïlottıq jobası ayasında Atıraw oblıstıq sotı men Atıraw oblıstıq Іşkі іster departamentі arasında ıntımaqtastıq twralı memorandwm jasaqtaldı.

 

 

Avtor: Abay Abılayulı
Bastı sözder: Sot, Zañ, Atıraw oblısı,
Joğarı qaray