Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Atyraýda «Elordamyz - Nur-Sultan» atty merekelik kontsert ótti

2019 jyldyń 25 naýryz 2019 18:12

ATYRAÝ. QazAqparat - Atyraýdaǵy H. Dosmuhamedov atyndaǵy Atyraý memlekettik ýnıversıtetinde Astana qalasynyń Nur-Sultan bolyp ózgerýin qoldaýǵa nıet bildirgen úsh myńǵa jýyq adam jınaldy, dep habarlaıdy QazAqparat.

«Elordamyz - Nur-Sultan» merekelik kontsertinde jurtshylyq Qazaqstannyń Tuńǵysh Prezıdenti - Elbasynyń memleket qurýdaǵy róli týraly pikirlerin bildirdi.

«Ult kóshbasshysy Qazaqstanda ǵana emes, álemdik deńgeıde bedeldi memleket qaıratkeri retinde tarıhqa endi», - deıdi merekelik kontsertke qatysqandar.



null

«Halyq tarıhı mańyzy bar bul oqıǵaǵa oń kózqaras bildirýde. Astana atyn Elbasy qurmetine aýystyrý - tarıhı ádilettilik. Nursultan Ábishuly óz abyroıy arqyly Uly Dala elin álemdegi tabysty damyp kele jatqan memleketter qataryna qosty. Onyń saıası, áleýmettik-ekonomıkalyq salalarda atqarǵan qyzmeti men jetistikteri halyqtyń bolashaǵyna arnaldy», - dep atap ótti Nur Otan partııasy Atyraý oblystyq fılıaly tóraǵasynyń birinshi orynbasary Nurlybek Ojaev.

Atyraýlyq jastar táýelsiz elimizdiń astanasyn Nur-Sultan dep ataý týraly ıdeıany qýattaıdy. Birlik pen kelisimniń sımvolyna aınalǵan Qazaqstan astanasy Elbasy esimimen tyǵyz baılanysty.



null

«Elimizde bolyp jatqan tarıhı oqıǵalar jastardy syrt aınalyp ótpeıdi. Qazaqstannyń Tuńǵysh Prezıdentiniń esimi astanaǵa berilýge ábden laıyqty. Memleketimizdiń barlyq tabystary Tuńǵysh Prezıdenttiń esimimen baılanysty. Onyń bastamasymen álem kartasynda Qazaqstannyń jańa astanasy paıda boldy. Elordaǵa Nur-Sultan esiminiń berilýi - halyqtyń mahabbaty men alǵysy», - deıdi Kaspıı óńiri qazirgi zamanǵy kolledjiniń 3 kýrs stýdenti Aınur Zınetýllına.




null


null

Joǵary qaraı