Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Atyraýda bazar saýdagerlerinen aqsha bopsalap kelgen 4 adam sottaldy

2019 jyldyń 22 sáýir 2019 23:40

ATYRAÝ. QazAqparat - Atyraýda «Dına» bazaryndaǵylardy turaqty túrde bopsalaýmen aınalysyp kelgen 4 turǵyn sottaldy, dep habarlaıdy «QazAqparat» HAA tilshisi.

«Sot májilisi barysynda málim bolǵanyndaı, 4 er adam 2017 jyldyń qarasha aıynan bastap, 2018 jyldyń sáýirine deıingi aralyqta «Dına» bazaryndaǵy saýdagerlerden aqsha bopsalaýmen aınalysyp kelgen. Olar Ózbekstan azamattaryna kúsh qoldanyp, olardy qorqytyp-úrkitip, kúnine 100-500 teńgeden «salyq» jınap otyrǵan. Baýkespeler talap etilgen qarjyny taýar retinde de alǵan. Sonymen qatar qylmyskerler «Tropıkamıd» jáne «Tramadol» sııaqty dárilerdi zańsyz túrde nashaqorlarǵa satyp júrgen saýdagerlerdi de aqsha tóleýge májbúrlegen. Osyndaı áreketterden soń olar Ulttyq qaýipsizdik komıteti departamenti qyzmetkerleriniń nazaryna ilikken»,-dep habarlady oblystyq sot ókilderi.

Ustalǵandar QR QK-niń «Top bolyp aldyn ala kelisip alyp, birneshe márte qatarynan bopsalaý» áreketi boıynsha kináli dep tanylyp, árqaısysy 2 jyldan 6 jylǵa deıingi aralyqta bas bostandyǵynan aıyryldy.

Joǵary qaraı