Awa rayı
Astana -2 °S
Almatı 5 °S
valyuta bağamı
USD 365.49
EUR 420.35
RUB 5.60
CNY 52.66

Atırawda Aytwar bïge eskertkіş qoyıldı

2018 jıldıñ 22 qırküyek 2018 10:50 790

ATIRAW. QazAqparat - Atıraw oblısınıñ Maxambet awdanında qazaqtıñ äygіlі bïlerіnіñ bіrі Aytwar Üsenulına arnalğan granït stellanıñ aşılw räsіmі boldı, dep xabarlaydı «QazAqparat» XAA.

«Aytwar bï 1783-1856 jıldarı Atıraw oblısınıñ qazіrgі Maxambet, Ïnder, Qızılqoğa awdandarınıñ awmağında turğan. Ol qara qıldı qaq jarğan ädіldіgіmen jurtqa tanımal bï bolğan. Eset Qaraulımen bіrge Kіşі jüzde Baymağambet sultannıñ keñesşіsі bolğan jäne öz zamanınıñ bedeldі de beldі tulğalarınıñ bіrі edі»,-dedі Atıraw oblıstıq sotınıñ baspasöz qızmetі.

Stellanıñ aşılwına sot ökіlderі, awdan xalqı jäne bïdіñ urpaqtarı qatıstı.

«Memleket basşısınıñ «Bolaşaqqa bağdar: Rwxanï jañğırw» attı tarïxï qujatında qazіrgі zamanda qazaq xalqınıñ rwxanï muralarına erekşe nazar awdarw qajettіgі aytılğan. Qwattı memlekettіñ negіzі mädenïet pen rwxanï qundılıqtarı bolwı tïіs. Bіz qazaq tarïxında elewlі röl atqarğan Aytwar bï sïyaqtı bіrtawar azamattarmızdı eşqaşan de esten şığarmawımız qajet»,-dedі jïınğa qatıswşılardıñ aldında söz söylegen oblıstıq sottıñ swdyası Sağat Xasan.

Sonımen qatar sot ökіlі «Bïler sotın» jañğırtw boyınşa sot jüyesіnde atqarılıp jatqan jumıstar twralı da aytıp öttі.

 

 

 

Joğarı qaray