Aýa raıy
Astana 9 °S
Almaty 10 °S
valıýta baǵamy
USD 389.62
EUR 429.98
RUB 6.06
CNY 55.08

Atyraý turǵynynyń páterinen 30 tonna qoqys shyǵaryldy

2019 jyldyń 18 maýsym 2019 16:20

ATYRAÝ. QazAqparat - Atyraýda kommýnaldyq qyzmetter jergilikti turǵynnyń páterinen úsh KamAZ qoqys shyǵardy, dep habarlaıdy QazAqparat tilshisi qala ákiminiń baspasóz qyzmetine silteme jasap.

«Áıeldiń páterindegi qoqys 20 jyl boıy jınalǵan. Áıel eshqaıda jumys istemeıdi, jalǵyz turady, kúnkóriske jumsar qarajaty múlde joq. Eki jyl buryn kórshileri úıde egeýquıryqtar kóbeıe bastaǵanyn ańǵarǵan. Zııankester meken etken oryn 60 jastaǵy azamatshanyń páteri bolyp shyqty», - dep málimdedi qalalyq ákimdiktiń baspasóz qyzmeti.


«Páterde eki bólme bar, sonyń ekeýi de qoqysqa tolǵan. Onyń bárin áıel aınala mańdaǵy jýyndy tógetin orynnan ákelgen. Páterdegi qoqystar shirı bastaǵan. Egeýquıryqtar bizdiń páterlerge júgirip kirip, balalardy shoshytyp jatyr. Osy máseleni aıtyp Atyraý oblystyq ákimdiginiń Telegram-daǵy arnasyna júgindik. Qala bıligi jyldam kelip máseleni sheshti», - deıdi úıdiń turǵyny Aleksandra Pak.

Atyraý ákiminiń tapsyrmasymen komıssııa quryldy. Jumys tobynyń músheleri áıeldiń páterine baryp, jaǵdaımen tanysty.

«Anyqtalǵandaı, 1959 jyly týǵan azamatsha N.-nyń tulǵasyn kýálandyratyn qujaty joq, tek Keńes ókimeti tusynda alǵan tólqujaty ǵana bar bolyp shyqty. Osy kúnge sheıin jasyna baılanysty zeınetaqy almaı kelgen. Jergilikti polıtseıler áıeldi Aýyr ómirlik jaǵdaıda qalǵan tulǵalardy áleýmettik beıimdeý ortalyǵyna ornalastyrdy. Onda mamandar áıelge medıtsınalyq jáne psıhologııalyq kómek kórsetip, qujattaryn qalpyna keltirý jáne zeınetaqy rásimdeýmen aınalysady», - deıdi qala ákimdiginiń áleýmettik baǵdarlamalardy úılestirý bóliminiń basshysy Nurly Habıeva.

Onyń aıtýynsha, áıeldiń páterin sanıtarlyq tazartýmen «Arnaıy avto baza» JShS 10 qyzmetkeri eki kún boıy aınalysqan. Jumysshylar áıeldiń páterinen jalpy 30 tonna qoqys shyǵarǵan. Ony tasymaldaý úshin úsh «KamAZ» kóligi qajet bolǵan.



Avtor: A. Sokolov

Basty sózder: Oqıǵa, Atyraý oblysy,
Joǵary qaraı