Aýa raıy
Astana 9 °S
Almaty 15 °S
valıýta baǵamy
USD 385.16
EUR 425.95
RUB 6.01
CNY 54.51

Atyraý oblysynda jyl basynan beri 10 myńnan astam adam jumysqa ornalastyryldy

2019 jyldyń 23 tamyz 2019 01:31

ATYRAÝ.QazAqparat - Atyraýda 10 009 adam turaqty jumyspen qamtyldy, dep habarlaıdy QazAqparat tilshisi.

Bul týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń jumyspen qamtý bóliminiń basshysy Gúlbolat Amanǵalıeva málimdedi.

«Áleýmettik jumys oryndaryna 372 adam jáne vakanttyq jumys oryndaryna 3 748 adam turaqty jumysqa ornalastyryldy. Jumys tájirıbesin jınaqtaý maqsatynda, joǵary jáne orta-kásiptik oqý oryndaryn bitirgen 714 túlek jastar tájirıbesine jiberildi. Kásibı oqýǵa 846 adam, «Bastaý-Bıznes» jobasymen kásipkerlik negizderine oqýǵa 784 adam jiberilip, 121 adamǵa nesıe jáne 45 adamǵa memlekettik granttar berildi. Sondaı-aq, óńirde bos jumys oryndary jármeńkesi ótýde. 30-dan astam jármeńkege 3 700 adam qatysyp, nátıjesinde 1 808 adam jumyspen qamtyldy. Taǵy 5 175 jumyssyz aqyly qoǵamdyq jumystarǵa jiberildi«, - deıdi Gúlbolat Amanǵalıeva.

Aıta keteıik, jumyspen qamtý sharalary «Elektrondyq eńbek bırjasy» aqparattyq júıesi arqyly (www.enbek.kz) júzege asyrylýda. Búgingi kúni deıin bul jerge 415 bos jumys orny jáne 13 908 túıindeme jarııalanǵan. Bıylǵy jyly elektrondyq eńbek bırjasy arqyly 2 260 adam jumysqa ornalastyryldy.

Joǵary qaraı