Aýa raıy
Astana -1 °S
Almaty 2 °S
valıýta baǵamy
USD 389.86
EUR 435.32
RUB 6.12
CNY 55.12

Atyraý halqy erlikpen qaza tapqan polıtseıdi sońǵy saparǵa shyǵaryp saldy

2019 jyldyń 23 naýryz 2019 16:43

ATYRAÝ. QazAqparat - Búgin Atyraýda sýǵa ketken qyzdy qutqarý kezinde qaza bolǵan polıtsııa serjanty Shalqar Aqymǵalıevty aqyrǵy saparǵa shyǵaryp salý rásimine myńnan astam qala halqy jınaldy, dep habarlaıdy QazAqparat.

Jınalǵan qaýym arasynda Atyraý oblysynyń ákimi N.Noǵaev, QR ІІM Ákimshilik polıtsııa komıteti bastyǵynyń orynbasary polıtsııa polkovnıgi M.Baıbolov, oblystyń bas polıtseıi polıtsııa polkovnıgi A.Dúısembaev, sondaı-aq Polıtsııa departamentiniń jeke quramy boldy.



null

Qaraly jıynda qyzmetkeriniń joǵary adamgershilik qasıetterin eske alǵan Polıtsııa departamentiniń bastyǵy Aıan Dúısembaev:

«Meniń ózimniń qyzmet etken birneshe jyldardyń ishinde alǵash ret jas jaýyngerimnen aıyrylyp turmyn. Meniń jaýyngerim qan maıdanda emes, adamdy ajaldan arashalaý kezinde Jaıyqtyń asaý tolqynynda qaza boldy. Qosh bol, meniń jas jaýyngerim!» - dep tolqı sóıledi.



null

Aqymǵalıevter otbasyna kóńil aıtyp joldaǵan QR Senat Parlamentiniń tóraǵasy D.Nazarbaeva, «Nur Otan» partııasy tóraǵasynyń birinshisi hatshysy M.Áshimbaev, QR Іshki ister mınıstri E.Turǵymbaevtyń jedel hattary tanystyryldy.

Jerleý rásimi kezinde erlikpen qaza tapqan polıtsııa serjanty Shalqar Aqymǵalıevqa qurmet kórsetý úshin polıtsııa departamenti qyzmetkerleri aspanǵa úsh márte bos patrondarmen oq atyp, qoshtasý belgisin bildirdi.




null


null

Joǵary qaraı