Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Ataýly áleýmettik kómekti qaı sanattaǵy azamattar ala alady

2019 jyldyń 18 aqpan 2019 14:55

ASTANA. QazAqparat - Qazaqstanda otbasynyń ár múshesiniń jan basyna shaqqandaǵy tabysy kedeılik sheginen tómen bolǵan jaǵdaıda ol sanattaǵy azamattar mekenjaı boıynsha áleýmettik kómekti ala alady, dep habarlaıdy QazAqparat tilshisi.

Eńbek jáne halyqtyń áleýmettik qorǵaý mınıstrliginen habarlanǵandaı, 2018 jyldyń 1 qańtarynan bastap ýaǵdalastyq pen áleýmettik kelisimshartty bekitý tártibi negizinde ataýly áleýmettik kómek kórsetýdiń jańa ádisi engizilgen.

«Jańa formattaǵy ataýly áleýmettik kómek tabysy kúnkóris mınımýmynyń 50 paıyzynan tómen, talapsyz ári ýaǵdalastyq boıynsha aqshalaı kómek retinde, otbasynda eńbekke jaramdy múshelerdiń bary eskerile otyryp, jumysqa ornalastyrý sharalaryna mindetti túrde qatysqan otbasylarǵa beriledi», - delingen mınıstrliktiń habarlamasynda.

Mınıstrliktiń málimetinshe, búgingi tańda kúnkóris mınımýmy Qazaqstanda qazirgi ýaqytta 29 698 teńge. Al kedeılik shegi - 14 849 teńge.

«Ataýly áleýmettik kómek taǵaıyndaý kezinde úmitkerdiń jan basyna shaqqandaǵy kirisiniń mólsheri esepke alynady. Naqty somany ataý qıyndaý. Sebebi, árbir adamǵa járdemaqy ártúrli mólsherde belgilenedi. Qazaqstanda otbasynyń ár múshesiniń jan basyna shaqqandaǵy tabysy kedeılik sheginen tómen, ıaǵnı 14 849 teńgeden az bolǵan jaǵdaıda ol sanattaǵy azamattar mekenjaı boıynsha áleýmettik kómekti ala alady», - dedi mınıstrlikten.

Buǵan qosa jumysqa ornalastyrý sharalaryna qatysa almaıtyn azamattarǵa talapsyz aqshalaı kómek beriledi.

Avtor: Kamıla Amırova

Joǵary qaraı