Awa rayı
Astana -3 °S
Almatı 6 °S
valyuta bağamı
USD 314.79
EUR 337.96
RUB 5.59
CNY 45.69

Ataqtı skrïpkaşı Marat Bïsenğalïev Oralda öner körsettі

2017 jıldıñ 20 nawrız 2017 23:35 620

ORAL. QazAqparat - Bügіn ataqtı skrïpkaşı, Qazaqstannıñ eñbek sіñіrgen qayratkerі, «Platïnalı Tarlan» sıylığınıñ ïegerі Marat Bïsenğalïev BQO qazaq drama teatrınıñ foyesіnde Almatı sïmfonïyalıq orkestrіmen bіrge koncert qoydı, dep xabarlaydı «QazAqparat» XAA tіlşіsі.

Älemge tanımal mwzıkanttıñ 55 jasına jäne sïmfonïyalıq orkestrdіñ 5 jıldığına oraylastırılğan keşte qazaqstandıq jäne şeteldіk kompozïtorlardıñ klassïkalıq twındıları orındaldı. Sonıñ іşіnde äygіlі ağılşın kompozïtorı Karl Djenkïnstіñ Marat Bïsenğalïevke arnap jazğan «Sarıqız» attı twındısı da bar. Sol sekіldі Djoakkïno Rassïnï, Edvard Elgar, Erkeş Şäkeev sındı belgіlі kompozïtorlardıñ şığarmaların körermender uyıp tıñdadı.

Koncerttі tamaşalağan Batıs Qazaqstan oblısınıñ äkіmі Altay Kölgіnov ataqtı öner sañlağın mereytoyımen quttıqtap, Nawrız merekesі qarsañında kelіp, öner körsetkenі üşіn rïzaşılığın bіldіrdі.


 

Marat Bïsenğalïev aldağı waqıtta da Aq Jayıq öñіrіne at basın burıp, klassïkalıq mwzıka tıñdawşıların qwanta beretіndіkterіn jetkіzdі. Erteñ ol Oralda şeberlіk därіsіn de bermekşі.

Ayta keteyіk, Marat Bïsenğalïev 1962 jılı Almatıda ömіr esіgіn aşqanımen, onıñ Batıs Qazaqstan oblısımen tіkeley baylanısı bar. Öytkenі onıñ äkesі Sämet Bïsenğalïev - Bökey ordası awdanınıñ twması. Köp jıl Ulıbrïtanïyada turğan Marat Bïsenğalïev twğan jerіmen baylanısın üzbey, kezіnde Oralda  skrïpkaşılardıñ xalıqaralıq bayqawın, sosın fïlarmonïyalıq orkestrdі uyımdastırğan bolatın. 

 

 

Avtor: Eljan Eralı
Bastı sözder: Batıs Qazaqstan oblısı, Öner,

Pіkіr qaldırw

Joğarı qaray