Awa rayı
Astana 11 °S
Almatı 15 °S
valyuta bağamı
USD 352.54
EUR 415.15
RUB 5.31
CNY 51.53

Ataqtı küyşіnіñ tonı toqsan jılğa jwıq waqıt saqtalğan

2018 jıldıñ 9 mawsım 2018 10:25 1068

QIZILORDA. QazAqparat - Qızılorda oblısı Jañaqorğan awdanındağı Älşekey Bektіbayulı atındağı öner mektebіnіñ murajayında toqsan jılday burın elіmіzge belgіlі küyşі Älşekey Bektіbayulı kïgen ton qanşama waqıt ötse de sol küyіnde saqtalıp keledі, dep xabarlaydı QazAqparat tіlşіsі.

Belgіlі küyşі Älşekey Bektіbayulı 1847 jılı qazіrgі Qızılorda oblısı, Jañaqorğan awdanındağı Bektіbay sazı degen jerde dünïege kelgen. Ol 50-den astam küy şığarğan. 1932 jılı Täjіkstannıñ Qorğantöbe aymağında dünïe salğan.

Derek közderіne süyensek, bul ton Täjіkstan elіnde tіgіlgen. Otızınşı jıldardıñ basında ökіmet küyşіnіñ mal-mülіgіn alıp, özіn jer awdarmaqşı boladı. Jalpı, ol kіsі küyşіlіgіmen qatar taqımı mıqtı şabandoz, küşі mığım palwan bolğan. Özіne qïyanat körsetkelі jatqanın estіgen Älşekey jügіn bіrneşe narğa artıp, Özbekstanğa bağıt aladı. Odan keyіn Täjіkstan jerіnde turaq tabadı.

Täjіk topırağında jürgende ortanşı ulı Dänebektіñ äyelі Külpat bіrneşe qoy terіsіn ïlep, osı tondı tіgіp şığaradı. Onı sol jerde köp ösetіn anardıñ qabığın qaynatıp, sodan şıqqan boyawmen boyaydı. Bul 1931 jıldıñ şaması. Degenmen bul tondı uzaq kïyu ataqtı küyşіnіñ mañdayına jazılmağan eken. Ol kelesі jılı jat jerde 85 jasında köz jumadı.

Ataqtı küyşіnіñ terі sіñgen tonnıñ odan keyіngі jağdayı bılayşa örbïdі. Küyşі qaytıs bolğannan keyіn ton ülken qızı Beysenküldіñ küyewі Näbïge berіledі. Qundı jädіger alpıs jıl boyı sol otbasında saqtaladı. 1992 jılı Beysenkül qaytıs boladı. Sodan keyіn tondı nemeresі Meyіrbek bіraz waqıt kïіp, 2010 jılı tarïxï jädіger retіnde saqtawğa Dänebektіñ Jïdebay esіmdі ulınan twğan şöberesі Oñğarğa tabıs etedі.

«Köne dünïe emes pe? Ton mağan jetkenge deyіn bіrşama eskіrgen eken. Azdap kіrlegen sekіldі. Beysenkül apamız qanşa jıl boyı atamızdıñ tonın közіnіñ qaraşığınday saqtap kelgen. 2010 jılı xïmïyalıq tazalawğa berdіm. 2012 jılı awdandağı Älşekey atındağı öner mektebіnіñ dïrektorı Qaldıbay Qoşqarbay atamızdıñ 165 jıldığına oray küyşіler bayqawı ötetіnіn jetkіzdі. Aqıldasa kele bul tondı öner mektebіnіñ murajayına tabıs etwdі jön kördіk», - deydі Oñğar.

Qanşama jıldıñ jüzі bolsa da tarïxï qundılıq retіnde öner mektebіnіñ murajayınıñ törіnen orın alğan ton körgen adamdarğa erekşe qızığwşılıq twğızadı. Öner mektebіnіñ mamandarı osınday jädіgerler qatarın molaytwğa nazar awdarıp keledі.

 

Joğarı qaray