Aýa raıy
Astana 16 °S
Almaty 25 °S
valıýta baǵamy
USD 384.52
EUR 431.32
RUB 6.10
CNY 55.89

Astanalyqtardyń úı máselesin tek bıýdjet esebinen sheshý múmkin emes - ákimdik

2019 jyldyń 21 aqpan 2019 17:00 1787

ASTANA. QazAqparat - Astanalyqtardyń baspana máselesin bıýdjet qarjysymen, kommýnaldyq turǵyn úı qorynyń esebinen sheshý múmkin emes. Bul týraly Astana qalasy ákiminiń orynbasary Nurlan Nurkenov málim etti, dep habarlaıdy QazAqparat tilshisi.

Astana qalasy ákimdiginiń ınspektory Jomart Aıtqazynyń habarlaýynsha, Nurlan Nurkenov qala basshysynyń halyqpen kezdesýinde azamattardy tolǵandyrǵan suraqtarǵa jaýap bergen. Ákimniń orynbasary halyqqa baspana máselesi jaıly ahýaldy túsindire otyryp, Astanada kommýnaldyq turǵyn úı qorynda baspana kezeginde 45 myńnan astam adam turǵanyn, sonyń 20 myńnan astamy - túrli áleýmettik az qamtylǵan toptardan ekenin jetkizgen.

Nurlan Nurkenovtyń aıtýynsha, elordada turǵyn úımen qamtamasyz etý boıynsha jalǵa beriletin jáne kredıttik turǵyn úı baǵyttary bar. Máselen, jalǵa beriletin turǵyn úı boıynsha ótken 2018 jyly 180 páter paıdalanýǵa berilse, 2019 jyly 700-den astam páter óz ıesin tabady. Kredıttik turǵyn úı baǵyty boıynsha 2018 jyly 481 páter úlestirilgen bolsa, 2019 jyly 900-den astam páter paıdalanýǵa berilmek.

«Demek, bıyl 1600-den astam otbasy baspanaly bolady. Eger osy qarqynmen kezek jyljysa, búgingi kúni kezekte turǵan 45 myńynshy turǵyn kemi 25 jyldan keıin baspanaly bolady. Turǵyn úı kezegindegilerdiń tizimi 45 myńmen toqtamaıtynyn taǵy qosyńyz. Osylaısha astanalyqtardyń baspana máselesin bıýdjet qarjysymen, kommýnaldyq turǵyn úı qorynyń esebinen sheshý múmkin emes dep kesip aıtýǵa bolady», - dedi Nurlan Nurkenov.

Endi ne istemek kerek?! Máseleni sheshýdiń qandaı joldary bar? Bul saýaldarǵa ákimniń orynbasary bylaı jaýap berdi:

«Ákimdik kóptiń kókeıinde júrgen baspana máselesin sheshý mehanızmderin qarastyryp jatyr. Sonyń ishinde kezekte turǵan turǵyndardyń áleýmettik osal toptaryna belgili ýaqyttan keıin satyp alý quqyǵymen páterlerdi jalǵa berý múmkindigi usynylady. Osy arqyly otbasy tapqan aqshasyn páter ıesiniń qaltasyna emes, óz menshigine ótetin baspana úshin quıýǵa múmkindik alady».

Buǵan qosa, ákimdik turǵyn úı sertıfıkattarynyń sanyn 100-den 2 myńǵa ulǵaıtqanyn taǵy bir qaıtalap ótti. Turǵyn úı sertıfıkattary atalǵan toptarǵa turǵyn úı alý úshin 1 mln teńge kóleminde alǵashqy sýbsıdııalyq jarna retinde bólinedi. Sertıfıkat nesıege baspana alý úshin aldyn ala tólem qarjysy retinde qaıtarymsyz negizde beriledi.

2018 jyly medıtsına qyzmetkerlerine, muǵalimder pen polıtseılerge «7-20-25» baǵdarlamasy boıynsha 1 mln teńgelik 100 turǵyn úı sertıfıkaty úlestirilgen bolatyn.

 

 

Avtor Aıan Bekenuly
Basty sózder: Turǵyn úı, Ákimdik, Nur-Sultan,
Joǵary qaraı