Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Astanaǵa Elbasynyń esimin berý bastamasyna ádil sheshim jasaldy - Qýanysh Sultanov

2019 jyldyń 21 naýryz 2019 20:42

ASTANA. QazAqparat - Elordaǵa Elbasynyń esimin berý bastamasy boıynsha ádil sheshim jasaldy. Bundaı pikirdi QazAqparat agenttigi tilshisine Parlament Májilisiniń depýtaty Qýanysh Sultanov aıtty, dep habarlaıdy QazAqparat tilshisi.

«Elbasy Nursultan Nazarbaev kezinde erlik sheshim qabyldap, ulttyń múddesi úshin astanany kóshirdi. Sol ýaqytta Tselınogradtyń jaǵdaıy qandaı bolǵanyn bilesizder. Osy qala búginde búkil qazaqtyń basyn biriktirdi, jan-jaqtan barlyq óńirlerden adamdar aǵyldy. Halqymyz osynda yrys pen yntymaqqa jınaldy, ult birikti. Ult óziniń jańa múmkindigin ashty. Osy jerde jańa rýhanı túleý, rýhanı jańarý boldy», - dep toqtaldy Q. Sultanov.

Depýtat buǵan deıin birneshe ret elordaǵa Elbasynyń esimin berý bastamasyn kótergenin eske saldy.

«Jalpy, qalany jańadan qurý ońaı bolǵan joq. Sondyqtan sol tarıhty biletin adam retinde, áýelden elordany Elbasy esimimen ataýdy qoldaǵandardyń birimin. Búginde ózge elderdiń mamandary jańa qalanyń qurylysy boıynsha bizden úlgi alyp jatyr. Osy oraıda bul qala jańa shahar salýdyń modeli, sondaı-aq ekonomıkany jaqsartýdyń modeli boldy. Jalpy, mazmuny jaǵynan elorda adamnyń rýhanı sapasyn kóterýdiń modelin qalyptastyrdy. Bul turǵyda Nursultan Nazarbaevtyń eńbegi men erligine oraı qalaǵa Elbasynyń esimin berýdi bastapqydan quptaǵan edim. Sol úshin talaı jaısyz sózderdi estigen bolatynmyn. Negizi, osy máselede ádil sheshim qabyldanyp, keshe Parlament tıisti qujatty bekitti. Elorda Elbasynyń esimimen atalǵanyna men qýanyshtymyn», - dedi Qýanysh Sultanov.

Budan buryn habarlanǵandaı, Parlament Astananyń ataýyn Nursultan dep ózgertý týraly qujatty qabyldady.

Joǵary qaraı