Aýa raıy
Astana 15 °S
Almaty 22 °S
valıýta baǵamy
USD 386.04
EUR 427.77
RUB 5.88
CNY 54.45

Astanadaǵy Ulttyq mýzeıde óner juldyzdary qyzmet kórsetedi

2019 jyldyń 18 aqpan 2019 18:49 1770

ASTANA. QazAqparat - 21 aqpan kúni Astanadaǵy QR Ulttyq mýzeıinde kelýshilerge ekskýrsııany Qazaqstannyń tanymal juldyzdary júrgizedi, dep habarlaıdy QazAqparat.

Shoý-baǵdarlama QR Ulttyq mýzeıiniń bes jyldyǵy men Dúnıejúzilik ekskýrsııa júrgizýshiler kúnine oraı uıymdastyrylmaq.

«Qazaqstan Respýblıkasynyń eńbek sińirgen qaıratkeri Leıla Beknazar-Hanınga, tanymal ánshi Tamara Asar, «Astana opera» Memlekettik opera jáne balet teatrynyń jetekshi solısi Súndet Baıǵojın jáne belgili telejýrnalıst Maııa Bekbaeva men Dınara Sátjan kelýshilerge gıd retinde qyzmet kórsetedi. Juldyzdy komanda músheleri Mýzeı zaldaryn ózara bólip alyp, kelýshilerge halqymyzdyń kóne tarıhy men baı murasy týraly syr shertedi», - dep habarlady Ulttyq mýzeıdiń baspasóz qyzmeti.

Mýzeıdiń bıylǵy bes jyldyǵyna oraı, «Juldyzdy gıd» jobasynda elimizge tanymal bes talant ıesi Mýzeıdiń bes kórme zalyn tanystyrady.

Eske sala ketsek, 2016 jyly jobanyń alǵashqy shymyldyǵyn - Qaraqat Ábildına, Marjan Arapbaeva, Klara Tólenbaeva, Qurmash Maqanov, Gúlnur Orazymbetova, Dosymjan Tańatarov jáne aqyn Qalqaman Sarın ashqan bolatyn.

2017 jyly «Juldyzdy gıd» shoý-baǵdarlamasyna teatr jáne kıno akterlary Qýandyk Qystyqbaev, Ádil Ahmetov, elimizge tanymal ánshiler Indıra Rasylhan, Altynaı Jorabaeva, Shaharızat Seıdahmet qatysty.

Byltyr Qazaqstan Respýblıkasynyń eńbek sińirgen ártisteri Aıgúl Imanbaeva, Aıgúl Qosanova, Ardaq Balajanova, Jeńis Ysqaqova, ánshi Dos, teatr jáne kıno ártisteri Dáýren Serǵazın jáne Núrken Óteýilov kórermen kózaıymy bolǵan edi.

 

 

Joǵary qaraı