Aýa raıy
Astana 6 °S
Almaty 0 °S
valıýta baǵamy
USD 389.98
EUR 434.01
RUB 6.10
CNY 55.04

Astanadaǵy gaz ballonyn jarmaq bolǵan jigittiń talaby tyńdalýda - QR ІІM

2019 jyldyń 20 aqpan 2019 16:15

ASTANA. QazAqparat - «Qazmedıa ortalyǵynyń» aldynda «gaz ballonyn jaramyn» dep qorqytqan jigittiń áreketi - qoǵamdyq tártipti buzý bolyp tabylady. Astanadaǵy tosyn oqıǵaǵa qatysty QR Іshki ister mınıstrliginiń resmı ókili Nurdildá Oraz osylaı dedi, dep habarlaıdy QazAqparat tilshisi.

«Polıtsııa qyzmetkerleri barlyq saqtyq sharalaryn júrgizdi. Qazirgi ýaqytta er adamnyń barlyq talaptary tyńdalýda. Tolyǵyraq aqparat mán-jaı anyqtalǵannan keıin belgili bolady. Qazirgi ýaqytta er adamnyń is-áreketi - qoǵamdyq tártipti buzý retinde baǵalanyp otyr. Oqıǵanyń barlyq mán-jaıyn anyqtaý úshin er adamdy Esil aýdanynyń polıtsııa basqarmasyna alyp ketti», - deıdi Nurdildá Oraz.

Qazirgi ýaqytta oqıǵa bolǵan jerde polıtsııa jáne ózge de jedel qyzmetterdiń qyzmetkerleri júr. Jaǵdaı baqylaýda.

Nurdildá Oraz aıtyp ótkendeı, birshama ýaqyttan keıin vedomstvo er adamnyń neni talap etkeni týraly tolyǵyraq aqparat taratatyn bolady.

Aıta ketsek, buǵan deıin «Qazmedıa ortalyǵynyń» aldynda gaz balonyn jarmaq bolǵan jigit ustalǵan edi.

Avtor Aıan Bekenuly
Basty sózder: QR ІІM, Oqıǵa, Nur-Sultan,
Joǵary qaraı