Aýa raıy
Astana 16 °S
Almaty 25 °S
valıýta baǵamy
USD 384.52
EUR 431.32
RUB 6.10
CNY 55.89

Astanadaǵy batyr oqýshy Parlament Senatyna keldi

2019 jyldyń 21 aqpan 2019 15:55 1513

ASTANA. QazAqparat - QR Parlamenti Senatynyń depýtattary oqýshy Nádir Omarǵazıevpen kezdesti, dep habarlaıdy QazAqparat tilshisi.

Atap aıtqanda, Qazaqstandaǵy bala quqyqtary jónindegi ýákil, senator Sáýle Aıtpaeva jas jetkinshekke Alǵys hat tabystap, kitap syılady.

Senator jas batyrǵa Parlamenttiń jumysy týraly aıtyp, óziniń áriptesteri, Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Georgıı Kımdi, depýtattar Nurlan Beknazarov pen Vladımır Volkovty tanystyrdy. Olar da óz tarapynan Nádirge alǵys bildirip, onyń bolashaǵyna qatysty suraqtar qoıdy. S.Aıtpaeva Nádirdi «Balaǵa dos Azııa» atty halyqaralyq konferentsııaǵa qatysýǵa shaqyrdy.

17 jasar N. Omarǵazıev kóp balaly otbasynan shyqqan. Ol 15 aqpan kúni Astanada qudyqqa abaısyzda túsip ketken bes jasar balany qutqardy. 

Budan buryn habarlanǵandaı, jaqynda QR Іshki ister mınıstri Erlan Turǵymbaevtyń buıryǵymen Nádir Omarǵazıevke «Tótenshe jaǵdaıdaǵy erligi úshin» tósbelgisi tabystaldy.

 

 

 

Avtor Rýslan Ǵabbasov
Basty sózder: Oqıǵa, Senat, Nur-Sultan,
Joǵary qaraı