Aýa raıy
Astana 5 °S
Almaty 7 °S
valıýta baǵamy
USD 389.81
EUR 430.27
RUB 6.06
CNY 54.91

Astanada Jastar jylynyń ashylýy ótedi

2019 jyldyń 23 qańtar 2019 08:00

ASTANA. QazAqparat - Búgin Astana qalasynda «Táýelsizdiktiń urpaqtary» ataýymen Jastar jylynyń ashylý saltanaty ótedi, dep habarlaıdy QazAqparat QR Qoǵamdyq damý mınıstrliginiń baspasóz qyzmetine silteme jasap.

Іs-sharaǵa Memleket basshysy, Úkimet músheleri, QR Parlamenti depýtattary, jergilikti atqarýshy organdar basshylary, QR Prezıdenti janyndaǵy Jastar saıasaty keńesiniń músheleri, «100 jańa esim» baıqaýynyń jeńimpazdary, «Bolashaq» baǵdarlamasynyń túlekteri, jas ǵalymdar qatysady dep kútilýde. Sonymen qatar bul jıynǵa shyǵarmashylyq, stýdenttik jáne jumysshy jastar ókilderi, jas sportshylar, daryndy balalar, zamanaýı medıa salasynyń ókilderi, balalar úıiniń tárbıelenýshileri men túlekteri, jas áskerı qyzmetshiler shyqyryldy.

Osylaısha, elimizde memlekettik jastar saıasatyn jan-jaqty qoldaý men júzege asyrýǵa baǵyttalǵan aýqymdy is-qımyl josparyn iske asyrý bastaý alatyn bolady.

Saltanatty jıyn barysynda jastar júzege asyrǵan tabysty jobalar men jańa ónimderder tanystyrylady.

Budan buryn habarlanǵandaı, Qazaqstanda Jastar jylynyń logotıpi bekitildi.

Eske sala ketsek, QR Prezıdenti Nursultan Nazarbaev Qazaqstan halqyna bıylǵy Joldaýynda 2019 jyldy Jastar jyly dep jarııalaýdy usynǵan bolatyn.

Prezıdent óz sózinde jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerektigin aıtqan bolatyn

Al, arada bir aıdan astam ýaqyt ótkende Elbasy Jarlyǵymen 2019 jyl Jastar jyly dep jarııalandy.

Avtor Rýslan Ǵabbasov
Basty sózder: Mádenıet, Jastar jyly,
Joǵary qaraı