Aýa raıy
Astana 15 °S
Almaty 22 °S
valıýta baǵamy
USD 386.04
EUR 427.77
RUB 5.88
CNY 54.45

Astanada baspana kezeginde turǵandar qujattaryn jańartýy kerek

2019 jyldyń 18 aqpan 2019 21:44 1271

ASTANA. QazAqparat - Elordada kommýnaldyq turǵyn úı qorynan turǵyn úıge muqtajdar esebinde turǵan azamattarǵa 2019 jyldyń 1 aqpany men 1 jeltoqsany aralyǵynda tizimge sáıkes qujattaryn jańartý qajet, dep habarlaıdy QazAqparat ákimdiktiń saıtyna silteme jasap.

Turǵyndar qujattaryn Almaty aýdany R. Qoshqarbaev dańǵyly 39 úıdegi (esigi M. Jumabaev dańǵyly boıynda) ornalasqan Astana qalasy ákimdiginiń «Turǵyn úı qory» KMM-ne bekitilgen kestege sáıkes tapsyrý qajet.

Tolyq aqparatty mekemeniń Zhilfond.kz saıtynan, Instagramdaǵy Zhilfond_astana, Feısbýktegi KGÝ Jılınyı fond g.Astany paraqshasynan alýǵa bolady.

Qujattaryn jańartýǵa qabyldaý kestesine sáıkes sanattar boıynsha turǵyndar ótinish bergen jyldaryna sáıkes atalmysh mekemege barady. Aıtalyq, «Kámeletke tolǵanǵa deıin ata-analarynan aıyrylǵan jıyrma toǵyz jasqa tolmaǵan jetim balalar men ata-anasynyń qamqorlyǵynsyz qalǵan balalar» sanaty boınysha 2006-2007 jyly ótinish berýshi aqpan aıynda qujatyn jańartýy tıis. Al 2008-2009 jyly qujat bergender atalmysh mekemege naýryz aıynda keledi.

Sanattar ishinde: Halyqtyń áleýmettik jaǵynan osal toptary (UOS múgedekteri men qatysýshylaryna teńestirilgender, 1 jáne 2 toptaǵy múgedekter;  múgedek balalary bar nemese olardy tárbıeleýshi otbasylary jáne t.b); Memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler, ǵaryshkerlikke kandıdattar, ǵaryshkerler, arnaýly memlekettik organ qyzmetkerleri jáne memlekettik saılanbaly qyzmet atqaratyn adamdar;  Jalǵyz turǵyn úıi QR zańnamasynda belgilengen tártippen avarııalyq jaǵdaıda dep tanylǵan azamattar.

Jańartýǵa qajeti qujattar tizimi  1) ótinish; 2) ótinish berýshi men onyń otbasy músheleriniń jeke basyn rastaıtyn kýálikteri; 3) ótinish berýshi men onyń otbasy músheleriniń turǵylyqty turatyn jeri boıynsha tirkelgenin rastaıtyn mekenjaı anyqtamasy; 4) neke qııý/nekeni buzý, qaıtys bolý, týý týraly kýálikteri, nekede turmaıtyndyǵyn rastaıtyn notarıaldy kýálándyrylǵan ótinishi; 5) ótinish berýshi, onymen birge turatyn otbasy múshelerinde Qazaqstan Respýblıkasy aýmaǵynda jyljymaıtyn múliktiń bolmaýy (bolýy) týraly anyqtamasy; 6) ótinish berýshide jáne/nemese onyń ótinishke engizilgen otbasy múshelerinde jeke menshik quqyǵynda turǵyn úıdegi úlesi bolǵan kezde quqyq belgileýshi qujattardyń kóshirmeleri; 7) ótinish berýshiniń QR «Turǵyn úı qatynastary týraly» Zańynyń 67 babynda kórsetilgen sanatqa jatatyndyǵyn rastaıtyn qujat; 8) memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler, ǵaryshkerlikke kandıdattar, ǵaryshkerler, arnaýly memlekettik organ qyzmetkerleri jáne memlekettik saılanbaly qyzmet atqaratyn adamdar jumys ornynan anyqtamasyn jáne kadr bólimimen rastalǵan eńbek kitapshasynyń kóshirmesin usynady.

Joǵary qaraı