Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Astanada ärbіr köşettіñ pasportı bolwı mümkіn

2018 jıldıñ 22 aqpan 2018 06:50 58

ASTANA. QazAqparat - Astanada ağaş-köşetterdіñ reestrіn qurw usınıldı. Bul twralı 21 aqpan künі byudjet, ekonomïka, önerkäsіp jäne käsіpkerlіk mäselelerі boyınşa qalalıq mäslïxattıñ turaqtı komïssïyasında elorda boyınşa revïzïyalıq komïssïyanıñ törağası Ğalımjan Moldaş ayttı, dep xabarlaydı QazAqparat Elorda Ïnfo saytına sіlteme jasap.

«Astana qalasında otırğızılğan köşetterdіñ sanı men quramı twralı keşendі mälіmetter joq», - dedі Ğalımjan Moldaş.

Onıñ aytwınşa, tïіstі eseptіñ bolmawı byudjet qarjısın jäne memleket aktïvіn tïіmdі paydalanwda öz äserіn tïgіzіp otır. Al jekelegen jağdaylarda olardıñ şığınına alıp kelwde.

«Mısalğa, Almatı awdanında quzırlı organnıñ tïіstі ruqsatınsız 3350 ağaş sürіldі. Bul rette, şığınnıñ qunına bağa jürgіzw mümkіn emes. Sebebі joyılğan ağaştar balansta joq», - dedі ol.

Revïzïyalıq komïssïya törağasınıñ sözіne süyensek, munday tіzіlіm ağaştar men köşetterdі kütіp-bağwğa jumsalatın şığındı anıqtawğa mümkіndіk berer edі.

«Bılayşa aytqanda, bul ärbіr ağaştıñ pasportı. Onda onıñ türі boyınşa erekşelіgі, tamır jüyesі, bïіktіgі jäne tağı basqası jazıladı. Bul ğılımï qujat dese boladı. Ağaşqa nomer men ştrïx-kod berіledі. Tіzіlіmge qarap, tıñaytqışqa, swarwğa, qanday da bіr reagentterge jumsalatın şığındardı eseptep şığarwğa boladı. Tіzіlіm bolsa, barlıq şığındardı eseptewde aşıqtıq bolar edі», - dedі Ğalımjan Moldaş.

Onıñ atap ötwіnşe, ağaştardıñ tіzіlіmі Qazaqstan zañnamasında jazıp körsetіlgen. Bіraq bul jumıstıñ atqarılwına kіm jawap berwі tïіstіgі belgіsіz.

 

 

 

 

Joğarı qaray