Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Astanada 9 jasar qyzdy qaǵyp ketken júrgizýshi ustaldy

2019 jyldyń 22 aqpan 2019 18:33 1487

ASTANA. QazAqparat - Qala kóshelerinde ornatylǵan beınebaqylaý kameralary zańbuzýshylyqty túsirip qana qoımaı, oqıǵa ornynan iz sýytyp ketken júrgizýshilerdi tez arada ustaýǵa da múmkindik beredi, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.

Polıtsııa qyzmetkerleri ondaı jaǵdaıda júrgizýshilerge oqıǵa ornynan ketip qalmaý jóninde keńes beredi. Eger avtokólik ıesi jol-kólik oqıǵasy oryn alǵan jerden iz sýytyp keter bolsa, oǵan qatańyraq jaza qarastyrylǵan.

Máselen, 21 aqpan kúni saǵat 15.00 shamasynda Sátbaev-Petrov kósheleriniń qıylysynda «Wolksvagen» markaly avtokólik ıesi ruqsat etilgen jolda, baǵdarshamnyń jasyl túsi janyp turǵan tusta ótip bara jatqan balany qaǵyp ketken. Osydan keıin júrgizýshi jol apaty bolǵan jerden qashyp ketken. Jol-kólik oqıǵasy saldarynan 9 jasar qyz bala aýrýhanaǵa jetkizilip, medıtsınalyq tekseristen ótkennen keıin úıine qaıtarylǵan.

Polıtsııa qyzmetkerleri beınebaqylaý kamerasymen keshendi túrde izdestirý sharalarynyń arqasynda «Wolksvagen» avtokóliginiń ıesin ustady. Qazirgi ýaqytta istiń mán-jaıy anyqtalyp jatyr. Sot-medıtsınalyq saraptama jumystary taǵaıyndalyp, onyń nátıjesi boıynsha júrgizýshige qatysty protsessýaldyq sheshim qabyldanatyn bolady. Avtokólik kommýnaldyq aıyp alańyna jetkizildi.

Polıtsııa departamentinen habarlanǵandaı, ótken jyly beınebaqylaý kameralarynyń arqasynda 70 myńǵa tarta ákimshilik quqyqbuzýshylyq anyqtalyp, myńǵa tarta qylmystyń beti ashylǵan.

 

 

Joǵary qaraı