Awa rayı
Astana 12 °S
Almatı 16 °S
valyuta bağamı
USD 352.54
EUR 415.15
RUB 5.31
CNY 51.53

Astana twralı serïal: Mïnïstrlіk tapsırıstı reseylіkterge berwdіñ sebebіn tüsіndіrdі

2018 jıldıñ 22 aqpan 2018 14:04 1045

ASTANA. QazAqparat - QR Mädenïet jäne sport mïnïstrlіgі Astananıñ 20 jıldığına arnalğan serïaldı reseylіk «Pervıy kanal» basşısı Konstantïn Ernstke tapsırwdıñ sebebіn tüsіndіrdі, dep xabarlaydı QazAqparat tіlşіsі.

Mädenïet jäne öner іsterі departamentіnіñ dïrektorı Almaz Nurazxannıñ aytwınşa, serïaldı bіrlesіp tüsіrwdі Konstantïn Ernsttıñ özі usındı.

«Ol Astanağa da arnayı kelіp kettі. Olar tamaşa scenarïy jasap şıqtı. Sosın «ko-prodwkcïyanı» şığarwdı usınıp otır. Ondayda tüsіrw jumıstarı ayaqtalğannan keyіn barlıq şığındar teñ bölіnedі. Jartısın Qazaqstan töleydі, jartısın olar öz moynına aladı. Däl qazіr men somanıñ naqtı kölemіn ayta almaymın. Sebebі serïaldı tüsіrw jumıstarı ayaqtalğanşa ol soma özgerwі äbden mümkіn. Qazіrgі kezde scenarïy dayın. Kastïng jürіp jatır. Äzіrşe, barlıq şığındardı reseylіkter tölep jatır», - dedі A.Nurazxan Astanada ötken baspasöz mäslïxatında.

Departament basşısınıñ sözіne qarağanda, Astana künі qarsañında Reseydіñ «Pervıy kanal» arnasımen bіrlesіp tüsіrіletіn «Maxabbat. Ümіt. Astana» ("Lyubov.Nadejda.Astana") attı serïaldıñ tusawkeserі ötedі. Rejïsser - Konstantïn Ernst.

«Serïalda Astananıñ 20 jıldıñ іşіnde qalayşa özgergenіn jan-jaqtı körsetw közdelіp otır. Atalğan twındı «Pervıy kanal» arnasında jäne Qazaqstannıñ barlıq telearnalarında körsetіledі. Serïaldıñ awdïtorïyası 350 mïllïon adamnan asadı degen jospar bar», - dep atap körsettі A.Nurazxan.

 

 

Avtor: Arman Asqarov
Bastı sözder: Qoğam, Mädenïet,
Joğarı qaray