Aýa raıy
Astana 7 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

«Astana Opera» sahnasynda tanymal reseılik mýzykanttar óner kórsetedi

2019 jyldyń 27 mamyr 2019 05:27

NUR-SULTAN. QazAqparat - Tanymal reseılik mýzykanttar óner kórsetetin «Mýzykalyq óner jaýharlary» atty kontsert 4 maýsym kúni ótedi, dep habarlaıdy QazAqparat teatrdyń baspasóz qyzmetine silteme jasap.

Áıgili aspapshylar - Reseıdiń halyq ártisi Sergeı Roldýgın (vıolonchel), Sergeı Redkın (fortepıano) jáne reseılik dırıjer Alım Shahmametevtiń jetekshiligimen «Astana Opera» sımfonııalyq orkestri elordalyq teatrdyń Úlken zaly sahnasynda óner kórsetedi.

Reseıdiń halyq ártisi Sergeı Roldýgın - sheber mýzykant-vıolonchelıst, keremet dırıjer, mýzykalyq pedagog, Marıın teatrynyń solısi ári dırıjeri, Sankt-Peterbor konservatorııasynyń professory, «Dostyq» (QR), Qurmet (RF) jáne Aleksandr Nevskıı ordenderiniń kavaleri. 2006 jyldan óziniń bastamasymen qurylǵan Sankt-Peterbor Mýzyka úıiniń kórkemdik jetekshisi bolyp tabylady. Ataqty maestro Reseı men alys-jaqyn shet elderde kontsertterimen jıi óner kórsetýde.

Kóptegen halyqaralyq baıqaýlardyń laýreaty pıanıst Sergeı Redkın Máskeý men Peterbordyń úzdik sahnalarynda, Germanııa, Aýstrııa, Frantsııa, Shveıtsarııa, Monako, Fınlıandııa, Shvetsııa, Portýgalııa, AQSh, Meksıka jáne t.b. elderdiń zaldarynda jeke kontsertterin beredi. Marıın teatrynyń Sımfonııalyq orkestri, Sankt-Peterbor memlekettik akademııalyq sımfonııalyq orkestri, E.Svetlanov atyndaǵy Reseı Memlekettik akademııalyq sımfonııalyq orkestrimen yntamaqtastyqta jumys jasaıdy.

Tanymal reseılik dırıjer Alım Shahmametev kóptegen shyǵarmashylyq jobalardyń avtory bolyp tabylady, olardyń qatarynda Let's Make Music Halyqaralyq sımfonııalyq orkestri, «Sınemafonııa» jáne basqalary bar. L.Pavarottı, P.Domıngo, M.Rostropovıch, M.Shostakovıch, B.Berezovskıı, R.Galıano syndy álemdik mýzyka óneriniń jaryq juldyzdarymen yntymaqtastyqta bolǵan.

Osy keshte elorda turǵyndary men qonaqtaryna ulttyq jáne álemdik klassıka jaýharlary usynylatyn bolady. Orkestrlik partıtýranyń kórnekti otandyq sheberleriniń biri - Tiles Qajyǵalıevtiń Kontsertshtıýk jalyndy pesasy shyrqalady. Týyndy kóne qazaq mádenıetiniń rýhyna qanyq ári álemdik sazgerlik mektep stılıstıkasynyń zamanaýı qaǵıdalarymen ulttyq naqyshty ón boıyna keremet úılestirgen. Shyǵarma merekelik kúıdi, órkendeýdi, ǵajaıyp pen keremettilikti, beınelilikti, áserli oljalar men kútpegen jerden oryn alatyn qaıshylyqtardy sıpattaıdy.

Sonymen qatar kontsertte M.Brýhtyń orkestr jáne vıolonchelge arnalǵan «Kol Nidrei» (solıst - S.Roldýgın), S.Rahmanınovtyń (solıst - S.Redkın) Paganını taqyrybyndaǵy rapsodııa, lıa mınor, or.43, Dj.Verdıdiń «Taǵdyr kúshi» operasynan ývertıýra, A.Hachatýrıannyń «Maskarad» kınofılminen vals, D.Shostakovıchtiń «Moskva - Cheremýshkı» operettasynan galop, K.Sen-Sanstyń «Ólim bıi» sımfonııalyq poemasy, or. 40 shyǵarmalary oryndalatyn bolady.

Basty sózder: Nur-Sultan, Óner,
Joǵary qaraı