Awa rayı
Astana -4 °S
Almatı -2 °S
valyuta bağamı
USD 367.06
EUR 416.17
RUB 5.56
CNY 52.84

Astana LRT salonına sw kіrіp ketken avtobwsqa qatıstı tüsіnіkteme berdі

2018 jıldıñ 21 tamız 2018 08:21 2607

ASTANA. QazAqparat - «Astana LRT» kompanïyası elordada nöser kezіnde salonına sw kіrіp ketken avtobwstıñ vïdeosına qatıstı tüsіnіkteme berdі, dep xabarlaydı Qazaqparat tіlşіsі.

Buğan deyіn älewmettіk jelіde Astana köşesіmen jürіp kele avtobwstıñ salonın tolığımen sw alıp ketkenі jönіnde vïdeo tarağan edі.

«Jelіde tarağan vïdeoğa kelsek, avtobwstı sw basw qawpі bolğandıqtan, jürgіzwşі qozğalıstı toqtata almadı. Sol sebeptі jürgіzwşі sw basqan awmaqtan jürіp ötіp, kelesі aynalımın waqıtşa özgertіlgen sxema boyınşa bastağan», - dep tüsіndіrdі kompanïyanıñ baspasöz xatşısı Nawat Azanbaeva QazAqparat tіlşіsіne.
Baspasöz xatşısınıñ xabarlawınşa, qazіr de B. Momışulı dañğılınıñ A.Toqpanov - Sarayşıq bölіgіn sw basıp jatır.

Ayta keteyіk, Astanada tolassız jawğan nöser jañbırdan köşelerdі sw alıp, bіrqatar avtobws bağdarı özgertіldі. B. Momışulı dañğılınıñ A.Toqpanov - Sarayşıq köşesі aralığında jüretіn №15, 47, 51, 56, 61, 101 avtobws bağdarları 21 tamız 06:00-den bastap  sw tazartılğanşa waqıtşa qozğalıs bağıttarın özgertedі.

Avtor: Ayjan Serіkjanqızı
Bastı sözder: Astana, Kölіk,
Joğarı qaray