Aýa raıy
Astana 6 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

Astana qalasy ákiminiń jańa orynbasary taǵaıyndaldy

2019 jyldyń 14 aqpan 2019 17:25

ASTANA. QazAqparat - Astana qalasy ákiminiń ókimimen Arman Turlybek ákimniń orynbasary bolyp taǵaıyndaldy, dep habarlaıdy QazAqparat elorda ákimdiginiń saıtyna silteme jasap.

Arman Alashuly Turlybek - Qaraǵandy oblysynyń týmasy, 1971 jyly 6 mamyrda dúnıege kelgen.

Bilimi ekonomıkalyq jáne tehnıkalyq. Almaty Energetıka jáne baılanys ınstıtýtyn, Qazaq memlekettik basqarý akademııasyn támamdaǵan.

1999 jyldan bastap Qaraǵandy oblysy ákimdiginiń júıesinde Energetıka, baılanys jáne kommýnaldyq sharýashylyq departamentiniń dırektory, Sátbaev qalasynyń ákimi bolyp jumys istedi.

2008 jyldan 2010 jylǵa deıin Qaraǵandy oblysy ákiminiń turǵyn úı-kommýnaldyq sharýashylyq, jolaýshylar kóligi jáne tarıftik saıasat máseleleri jónindegi orynbasary qyzmetin atqardy.

2010-2014 jyldar aralyǵynda Qazaqstan Respýblıkasy Indýstrııa jáne jańa tehnologııalar mınıstrligi Memlekettik energetıkalyq qadaǵalaý komıtetiniń tóraǵasy boldy.

2014-2016 jyldary QR Investıtsııalar jáne damý mınıstrligindegi jaýapty qyzmetterdi atqardy.

2016 jyldan bastap Astana qalasy «Saryarqa» aýdanynyń ákimi.

«10 jyl Astana», «Eren eńbek úshin» medaldary jáne «Qazaqstan Respýblıkasynyń eńbek sińirgen energetıgi» qurmetti tósbelgisimen marapattalǵan. «TMD-nyń eńbek sińirgen energetıgi» qurmetti ataǵy bar. Úılengen, úsh balasy bar.

Basty sózder: Nur-Sultan, Ákim, Taǵaıyndaý,
Joǵary qaraı