Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Astana ákimdigi 8 naýryzda analarǵa 100 myń teńgeden beriledi degen aqparatty joqqa shyǵardy

2019 jyldyń 19 aqpan 2019 09:29 1688

ASTANA. QazAqparat - Astana qalasynyń ákimdigi 8 naýryz - Halyqaralyq Áıelder kúnine oraı kópbalaly analarǵa 100 myń teńgeden beriledi degen aqparatty joqqa shyǵardy, dep habarlaıdy QazAqparat tilshisi.

Aıta ketsek, kesheli beri áleýmettik jeliler men messendjerlerde Halyqaralyq Áıelder kúnine oraı elordadaǵy kópbalaly analarǵa 100 myń teńgeden beriledi degen aqparat taraǵan bolatyn. Taraǵan aqparatttarǵa sáıkes, «Altyn alqa», «Kúmis alqa», «І jáne ІІ dárejeli» «Ana dańqy» ordenderimen marapattalǵan analarǵa aqsha beriletini týraly, ol qarajatty alý úshin «Qazposhtaǵa» 20 aqpanǵa deıin qujat ótkizilýi tıis degen syńaıda habarlama shyqqan edi.

Bul habarlamanyń ras-ótirigin tekserý maqsatynda QazAqparat tilshisi Astana qalasy ákimdiginiń baspasóz qyzmetine habarlasyp, áleýmettik jelilerde taraǵan bul aqparattyń jalǵan ekendigin anyqtady.

 

 

Avtor Aıan Bekenuly
Basty sózder: Qoǵam, Nur-Sultan,
Joǵary qaraı