Awa rayı
Astana 2 °S
Almatı 13 °S
valyuta bağamı
USD 378.17
EUR 429.11
RUB 5.88
CNY 56.48

Asqar Mamïn Türkіstan oblısı äkіmіnіñ jaña bіrіnşі orınbasarın tanıstırdı

2019 jıldıñ 14 aqpan 2019 19:13 635

ASTANA. QazAqparat - QR Premer-Mïnïstrіnіñ bіrіnşі orınbasarı Asqar Mamïn Türkіstan oblısına jumıs saparı barısında bіrіnşі kezektі nısandardıñ qurılıs barısımen tanısıp, öñіrdі damıtw keleşegі jönіnde keñes ötkіzdі. Bul twralı primeminister.kz xabarlaydı.

A. Mamïn oblıs äkіmdіgі ğïmaratınıñ, sawda ortalığınıñ qurılıs alañdarın, Qoja Axmet Yassawï kesenesіnіñ, turğın üy alabınıñ jäne basqa nısandardıñ qurılıs jumıstarın tekserdі. Sonımen qatar, «Kültöbe» mwzey-qorığı qurılısınıñ bastalğanın körіp, otandıq öndіrwşіlerdіñ qurılıs materïaldarınıñ körmesіne bardı.

Bіrіnşі vïce-premer A. Mamïn, Türkіstan jäne Qızılorda oblıstarınıñ äkіmderі J. Tüymebaev pen Q. Köşerbaev qızılordalıqtardıñ öñіrge sıyı - Şığıs monşası - jaña nısanınıñ іrgesіn saldı.

Türkіstan oblısın damıtw perspektïvaları jönіndegі keñeste A. Mamïn qurılıs, turğın üy-kommwnaldıq şarwaşılıq jäne ïnfraqurılımdı damıtw salalarında mol täjіrïbesі bar öñіr äkіmіnіñ jaña bіrіnşі orınbasarı Qosman Aytmuxametovtı tanıstırdı. Ol Aqmola oblısınıñ äkіmі, Astana qalası äkіmіnіñ orınbasarı, Qazaqstan Respwblïkası öñіrlіk damw vïce-mïnïstrі qızmetterіn atqarğan.

«Elbasınıñ tarïxï şeşіmіnіñ arqasında türkі älemіnіñ mädenï-rwxanï ortalığı retіnde Türkіstan qalasında awqımdı qurılıs jumıstarı bastaldı», - dep A. Mamïn, qalanıñ qurılıs jumıstarı Memleket basşısınıñ erekşe baqılawında ekenіn atap öttі.

2018 jılğı jeltoqsanda nätïjesі şığarılğan xalıqaralıq säwlet bayqawınıñ qorıtındısı boyınşa Qazaqstan öñіrlerі men ulttıq kompanïyalar bіregey nısandardı saladı.

Almatı, Aqmola, Qarağandı oblıstarı qala sayabağın salwğa kіrіsedі, Pavlodar oblısı - Xalıqqa qızmet körsetw ortalığın, Aqtöbe oblısı - Qoja Axmet Yassawï jäne Räbïya Sultan Begіm kesenelerіn rekonstrwkcïyalap, abattandıradı, Atıraw oblısı - «Ulı dala elі» keşenіn, Şığıs Qazaqstan oblısı - mwzıkalıq fontandar, Soltüstіk Qazaqstan oblısı - Olïmpïada qorınıñ sport mektebіn, Jambıl oblısı - «Äzіret Sultan» ïslam mädenïet ortalığınıñ vïzït ortalığın, Batıs Qazaqstan oblısı - mwzıka mektebіn, Qostanay oblısı - Neke sarayın, Almatı qalası - medïa ortalıq, Şımkent qalası - ğılımï-ämbebap kіtapxana jäne t.b. saladı. Atalğan tіzіmdegі bіrіnşі kezektі nısandar osı jıldıñ soñına deyіn paydalanwğa berіledі.

Keñes barısında oblıs äkіmі J. Tüymebaev Türkіstan qalasındağı bіrіnşі kezektі nısandardıñ qurılıs barısı twralı bayandadı. Ïndwstrïya jäne ïnfraqurılımdıq damw vïce-mïnïstrі Q. Öskenbaev oblıs ortalığınıñ turğın üy qurılısı, ïnjenerlіk-ïnfraqurılımdıq jüyesі, gazdandırw, jılwmen jäne elektrmen jabdıqtaw salasındağı jobalardı іske asırw twralı aqparat berdі. Sonımen qatar, mädenïet jäne sport vïce-mïnïstrі E. Qojağapanov, oblıs äkіmderіnіñ orınbasarları jäne merdіgerlіk uyımdardıñ basşıları söz söyledі.

Premer-Mïnïstrdіñ bіrіnşі orınbasarı A. Mamïn keñes qorıtındısın şığara otırıp, nısandar qurılısın operatïvtі türde ärі sapalı jürgіzw qajettіgіn, olardı waqıtılı paydalanwğa berwdі, Türkіstan qalasında jaña nısandardıñ jumısın bastaw qajettіgіn atap öttі.

 

 

Bastı sözder: Türkіstan oblısı, Tağayındaw,
Joğarı qaray