Aýa raıy
Astana -5 °S
Almaty 12 °S
valıýta baǵamy
USD 389.34
EUR 428.78
RUB 6.05
CNY 55.45

Asqar Mamın memlekettik-jekeshelik áriptestik boıynsha tapsyrmalar berdi

2019 jyldyń 22 qazan 2019 10:56

NUR-SULTAN. QazAqparat – QR Úkimet basshysy Asqar Mamın memlekettik-jekeshelik áriptestikti damytýǵa qatysty tapsyrmalar júktedi, dep habarlaıdy QazAqparat tilshisi.

«Memlekettik-jekeshelik áriptestikti damytý – Úkimet jumysynyń basym baǵyttarynyń biri. Asa mańyzdy jobalar kólik jáne ınfraqurylym, energetıka jáne TKSh, bilim berý, densaýlyq saqtaý sııaqty sektorlarda iske asyrylyp jatyr. Memlekettik-jekeshelik áriptestik tetigi engizilgennen beri 1,6 trln teńgege 615 shart jasaldy. Sonymen qatar, 1,9 trln teńgeni quraıtyn 638 shart pysyqtalýda. Jobalardyń sany men ınvestıtsııa somasy boıynsha serpin bar, degenmen bul áleýet tıisti deńgeıde iske asyrylmaı otyr», - dedi A. Mamın Úkimet otyrysynda.

Premer-Mınıstr kólik jáne energetıka, TKSh salasynda iri ınfraqurylymdyq jobalardy iske asyrýdy jalǵastyrýdy tapsyrdy.

«Osyǵan baılanysty Ulttyq ekonomıka men Indýstrııa mınıstrlikterine MJÁ-ni damytýdyń ozyq halyqaralyq tájirıbesin eskerýmen zańnamaǵa qajetti ózgeristerdi pysyqtaýdy júkteımin. Densaýlyq saqtaý, bilim berý salalarynda memlekettik-jekeshelik áriptestik jobalary belsendi túrde damyp jatqanyn aıtýǵa bolady. Osy jumysty jalǵastyrý qajet», - dedi Premer-Mınıstr.

Sonymen qatar, Úkimet basshysy múddeli memlekettik organdarǵa Ulttyq ekonomıka mınıstrligimen birlesip, ózderi jetekshilik etetin salalarda MJÁ-ni damytý boıynsha Jol kartalaryn ázirleýdi tapsyrdy. Olardyń oryndalý barysy Úkimettiń Jobalyq keńsesiniń otyrystarynda tyńdalady.

«Jalpy, eldiń ornyqty áleýmettik-ekonomıkalyq damýyn qamtamasyz etý úshin memleket pen jeke áriptestiktiń tıimdi ózara is-qımylyn jolǵa qoıý qajet», - dedi Asqar Mamın.

Joǵary qaraı