Aýa raıy
Astana 30 °S
Almaty 31 °S
valıýta baǵamy
USD 383.43
EUR 432.47
RUB 6.12
CNY 55.78

Asqar Mamın Bilim mınıstrliginiń ujymyna jańa basshyny tanystyrdy

2019 jyldyń 17 maýsym 2019 17:47 946

NUR-SULTAN. QazAqparat - QR Premer-Mınıstri Asqar Mamın Bilim jáne ǵylym mınıstrliginiń ujymyna vedomstvonyń jańa basshysy Ashat Aımaǵambetovty tanystyrdy, dep habarlaıdy QazAqparat primeminister.kz saıtyna silteme jasap.

Prezıdent Jarlyǵymen Kúlásh Shámshıdınova basqa jumysqa aýysýyna baılanysty QR Bilim jáne ǵylym mınıstri laýazymynan bosatylǵan bolatyn. Asqar Mamın oǵan jemisti jumysy úshin alǵys bildirip, jańa orynda sáttilik tiledi.  

«Kúlásh Noǵataıqyzy tájirıbesi mol basshy. Mınıstr qyzmetinde qarqyndy jumys istep, elimizdiń bilim berý salasynyń damýyna eleýli úles qosty», - dedi Premer-Mınıstr.   

A.Mamın mınıstrliktiń ujymyna jańa basshyny tanystyra otyryp,  Ashat Aımaǵambetovtyń bul salada tıisti bilimi men úlken tájirıbesi bar ekenin atap ótti. Ashat Aımaǵambetov túrli jyldary Qaraǵandy oblysynyń Bilim basqarmasynyń basshysy, bilim jáne ǵylym vıtse-mınıstri qyzmetterin atqardy, Qaraǵandy oblysy ákiminiń orynbasary boldy.

Premer-Mınıstr Bilim jáne ǵylym mınıstrliginiń aldynda aýqymdy mindetter turǵanyn atap ótti. Bul - mektepke deıingi, orta, kásiptik-tehnıkalyq jáne joǵary bilimdi jańǵyrtý, suranysqa ıe zamanaýı mamandar daıarlaý, bilim jáne ǵylymnyń sapaly júıesin damytý.  

 

 

 

Joǵary qaraı