Aýa raıy
Astana -4 °S
Almaty 10 °S
valıýta baǵamy
USD 389.34
EUR 428.78
RUB 6.05
CNY 55.45

Ashat Aımaǵambetov JOO rektorlaryna oqytýshylardyń jalaqysyn kóterýdi tapsyrdy

2019 jyldyń 14 qazan 2019 13:44

NUR-SULTAN. QazAqparat – Elimizdegi joǵary oqý oryndary oqytýshylarynyń jalaqysy kóteriledi. Bul jaıynda QR Bilim jáne ǵylym mınıstri Ashat Aımaǵambetov Facebook paraqshasynda jazdy, dep habarlaıdy QazAqparat tilshisi.

«Memleket basshysy bilim sapasyn arttyrý jáne pedagogtardy qoldaý jóninde tapsyrma berdi. Osy tapsyrma aıasynda mınıstrlik memlekettik JOO rektorlaryna JOO oqytýshylarynyń eńbekaqysyn 2020 jyldyń 10 qańtaryna deıin 30-dan 50 paıyzǵa deıin arttyrý mindetin júktedi. Bul sheshimniń naqty negizderi bar. Biz joǵary oqý oryndarynyń bıýdjetine taldaý júrgizdik. Ol eńbekaqy tóleý qoryn ulǵaıtý úshin rezervtiń bar ekendigin kórsetti», - dep jazdy mınıstr.

Onyń atap ótýinshe, búginde birqatar joǵary oqý oryndarynyń oqytýshylary 60-70 myń teńge kóleminde jalaqy alady. Mundaı saıasatpen sapany talap etý múmkin emes.

«EUÝ, Kaspıı ýnıversıteti men Taraz pedagogıkalyq ýnıversıteti sııaqty joǵary oqý oryndary jalaqyny kóterýdi qazirdiń ózinde bastap ketti. Qalǵan memlekettik JOO meniń tapsyrmamdy mindetti túrde oryndaýy tıis. Sonymen qatar, rektorlardyń aldyna bizdiń JOO-da jumys isteıtin akademıkterdi arnaıy qosymsha aqy belgileý arqyly qoldaý mindeti qoıyldy. Joǵary oqý oryndarynda akademıkter kóp emes, sondyqtan biz ózimizdiń ǵylymı elıtamyzdy qoldaýǵa mindettimiz. Bul sharalar memlekettik bıýdjetten qosymsha qarajat pen ózge de kúsh-jigerdi qajet etpeıtinin erekshe atap ótkim keledi. Barlyǵy qolda bar múmkindikter aıasynda jasalady. Jas ǵalymdardy qoldaý tetikteri de bolashaqta qarastyrylady»,- dedi Ashat Aımaǵambetov.

Joǵary qaraı