Aýa raıy
Astana 17 °S
Almaty 30 °S
valıýta baǵamy
USD 384.52
EUR 431.32
RUB 6.10
CNY 55.89

Ashat Aımaǵambetov: UBT-ǵa «shpargalka» nemese telefon alyp kirý - bas qatyratyn artyq áreket

2019 jyldyń 18 maýsym 2019 12:29 7031

NUR-SULTAN. QazAqparat - Bilim jáne ǵylym mınıstri Ashat Aımaǵambetov Ulttyq biryńǵaı testileýdi tapsyrǵaly otyrǵan túlekterge birqatar keńes berdi, dep habarlaıdy QazAqparat tilshisi.

«Balasy atqa minse, ata-anasy taqymyn qysyp otyrady. Sondyqtan, balalar úlken emtıhan tapsyratyn kezde ata-analar qatty qobaljıdy. Keı ýaqytta balalardan buryn ata-anasy qatty ýaıymǵa batyp jatady. Sol sebepti ata-analar óz balasyna senýi kerek. Bul - kádimgi emtıhan. Jańa ǵana atap ótkenimdeı, bul emtıhannyń  alǵashqy kezeńderi qańtar jáne naýryz aılarynda ótip, oǵan 115 myń bala qatysty. Sol pýnktilerge bardy. Olar telefondy tunshyqtyratyn qurylǵylardyń baryn biledi, aýdıtorııalardy kórdi. Jalpy, psıhologııalyq daıyndyq deńgeıi jaman emes degen oıdamyn. Sondyqtan, ata-analar óz balasy úshin qobaljymaı, oǵan kerisinshe kómektesip, qoldaý kórsetip, jigerlendirgeni abzal», - dedi Ashat Aımaǵambetov Úkimettiń baspasóz ortalyǵynda.

Mınıstr sonymen qatar, Ulttyq biryńǵaı testileýdi tapsyrǵaly otyrǵan túlekterge aqylyn aıtty.

«Túlekter men ata-analarǵa aıtarym: eń bastysy - ýaıymdamaý kerek. Adam ózimen birge «shpargalka» nemese uıaly telefon alyp júrse, eń aldymen, óziniń mazasy ketedi. Eń birinshiden, «aýdıtorııaǵa ony qalaı kirgizem» dep basy qatady. Sodan keıin «meni baıqap qalmas úshin ony qalaı paıdalansam bolady» dep mıy ashıdy. Ol da ýaıym. Mundaı oılar eshqashan sergýge kómektespeıdi. Sol sebepti, meniń oıymsha, ózińe sengen durys. Test boıynsha emes, baǵdarlamalyq materıalmen daıyndalǵan abzal. Sebebi, bul óte mańyzdy. Óz tájirıbem boıynsha bilemin. Barlyq ata-analar men mektep túlekterine sáttilik tileımin», - dedi Ashat Aımaǵambetov.

Aıta keteıik, elimizde 20-30 maýsym aralyǵynda Ulttyq biryńǵaı testileý ótedi.

 

 

 

Joǵary qaraı