Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Ashat Aımaǵambetov muǵalimniń daýly suhbaty týraly: Árkim óz pikirin bildirýge quqyly

2019 jyldyń 18 qazan 2019 17:14

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov áleýmettik jelide taraǵan kókshetaýlyq muǵalimniń daýly suhbaty jóninde pikir bildirdi, dep habarlaıdy QazAqparat.

«Dostar! Sońǵy kúnderi tarıh pániniń muǵalimi A.K.Ahetovanyń vıdeosuhbaty keńinen taralyp jatyr. Atalǵan rolıkte kóterilgen máseleler qoǵam tarapynan qyzý talqylanýda. Dál qazir bul materıaldyń mazmunyna qatysty eshqandaı baǵa bermeımin. Eń bastysy, kez kelgen muǵalim men ata-ana óz pikirin ashyq bildirýge quqyly ekenin túsiný - mańyzdy, al bizdiń mindetimiz - osy usynystar men eskertýlerdi nazarǵa alý», - dep jazdy mınıstr Feısbýk jelisindegi resmı paraqshasynda.

Mınıstr Memleket basshysynyń barlyq usynystardy muqııat zerdeleý týraly tapsyrmasyn eske saldy.

«Osy baǵyttaǵy jumysymyzdy jalǵastyramyz. Senbi kúni áriptesimizben kezdesip, osy máselelerdi talqylaımyz», - dep jazdy A. Aımaǵambetov.

Aıta keteıik, tarıh pániniń muǵalimi, kókshetaýlyq Álııa Ahetovanyń suhbaty YouTube jelisinde 3 qazanda jarııalandy. Óz suhbatynda muǵalim jańartylǵan oqý baǵdarlamasyn, baǵalaý júıesin jáne sybaılas jemqorlyqpen kúres jumystaryn synǵa alǵan.

Joǵary qaraı