Aýa raıy
Astana -7 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Áset Isekeshev jańa qyzmetke taǵaıyndaldy

2019 jyldyń 25 naýryz 2019 21:13

NUR-SULTAN. QazAqparat - Qazaqstan Respýblıkasynyń Tuńǵysh Prezıdenti - Elbasynyń Sheshimimen Áset Órentaıuly Isekeshev Qazaqstan Respýblıkasynyń Tuńǵysh Prezıdenti - Elbasy Qorynyń Atqarýshy dırektory bolyp taǵaıyndaldy. Bul týraly Aqordanyń baspasóz qyzmeti málim etti.

Áset Isekeshev 1971 jyldyń 17 tamyzynda týǵan. 1994 jyly Ál-Farabı atyndaǵy QazMUÝ-diń zań fakýltetin bitirgen. 1998 jyly Qazaqstan Respýblıkasynyń Prezıdenti janyndaǵy Joǵary memlekettik basqarý mektebin aıaqtady. Qazaqstan Respýblıkasy Strategııalyq josparlaý jáne reformalar agenttiginde, Qazaqstan Respýblıkasy Ekonomıka jáne bıýdjettik josparlaý mınıstrliginde jumys istedi.

2003-2006 jyldary Qazaqstan Respýblıkasy Indýstrııa jáne saýda vıtse-mınıstri.

2006-2007 jyldary «Qazyna» turaqty damý qory» AQ Basqarmasy tóraǵasynyń orynbasary.

2007- 2008 jyldary «Credit Swiss (Qazaqstan)» kompanııasynyń qarjylyq jobalar marketıngi jónindegi dırektory.

2008 jylǵy aqpannan 2009 jylǵy mamyr aralyǵynda Qazaqstan Respýblıkasy Prezıdentiniń ekonomıkalyq máseleler jónindegi kómekshisi.
2009 jylǵy mamyrdan bastap Qazaqstan Respýblıkasy Indýstrııa jáne saýda mınıstri.

2010 jyldyń naýryzynan bastap Qazaqstan Respýblıkasy Premer-Mınıstriniń orynbasary - Indýstrııa jáne jańa tehnologııalar mınıstri.
2012 jyldyń qańtar aıynan bastap Indýstrııa jáne jańa tehnologııalar mınıstri.

2012 jyldyń qyrkúıeginen Qazaqstan Respýblıkasy Premer-Mınıstriniń orynbasary - Qazaqstan Respýblıkasy Indýstrııa jáne jańa tehnologııalar mınıstri.

2014 jyldyń 06 tamyzynan bastap Investıtsııalar jáne damý mınıstri.

2016 jylǵy 21 maýsymnan bastap Qazaqstan Respýblıkasy Prezıdentiniń № 288 Jarlyǵymen Astana qalasynyń ákimi bolyp taǵaıyndaldy.

Joǵary qaraı