Aýa raıy
Astana 11 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Asanáli Áshimov pen teatr basshylary halyqqa úndeý joldady

2019 jyldyń 26 naýryz 2019 17:05

NUR-SULTAN. QazAqparat - Nursultan Nazarbaev jer-jahanǵa kópultty, san túrli konfessııa ókilderiniń bir shańyraqtyń astynda, bir memlekettiń múddesi jolynda beıbit ómir súre alatynyn pash etip, Qazaqstandy moıyndatty. QR Teatrlar qaýymdastyǵy músheleriniń el azamattaryna arnaǵan úndeýinde osylaı aıtylǵan, dep habarlaıdy QazAqparat.

Úndeýge QR Teatrlar qaýymdastyǵynyń prezıdenti, Qazaqstannyń Eńbek Eri, Halyq ártisi Asanáli Áshimov bastaǵan birqatar tulǵa qol qoıǵan. Olardyń arasynda el óńirlerindegi teatrlardyń basshylary bar.

«Dana halqymyzda «Tarıhty tulǵalar jasaıdy» degen qanatty sóz bar. Ár ulttyń ózindik tarıhyn qalyptastyrǵan uly tulǵalar bolady. Búgingi zamannyń qaharmany dep biz, ıaǵnı Qazaqstan teatrlar qaýymdastyǵy Elbasy - Nursultan Ábishuly Nazarbaevty bilemiz. Endeshe, elordaǵa, sondaı-aq elimiz qalalaryndaǵy úlken kóshelerge Tuńǵysh Prezıdenttiń esimin berý, monýment ornatý halyq qaharmanyna ábden laıyqty is.

Budan jıyrma eki jyl buryn Elbasymyz Nursultan Nazarbaev elimizdiń jarqyn bolashaǵy jolynda qabyldaǵan tarıhı sheshimi, ıaǵnı memlekettiń bas qalasyn Aqmolaǵa kóshirip, qazirgi tańda álemniń jas qalasy atanǵan Astananyń negizin qalaýy búgingi tańda elordasyn halyqaralyq qaýymdastyq tanyǵan biregeı shaharǵa aınaldyrdy. Kezinde bireýge jalǵan, bireýge arman bolyp kóringen, Elbasymyzdyń ózi irgesin qalaǵan Astanamyz jyl ótken saıyn sáýleti men dáýleti órkendep, barsha qazaqstandyqtardyń bas ordasy boldy», - delingen úndeýde.

Sondaı-aq onda Nursultan Nazarbaev qazaq eli úshin ǵana emes, álem tarıhyndaǵy kemeńger tulǵa ekendigi atap ótilgen.

«Elbasy jer-jahanǵa kópultty, san túrli konfessııa ókilderiniń bir shańyraqtyń astynda bir memlekettiń múddesi jolynda beıbit ómir súre alatynyn pash etip, Qazaqstandy moıyndatty.

Memleket basshysynyń bastamasymen táýelsizdik jyldarynda ekonomıkalyq, saıası, áleýmettik órleý júzege asyryldy. Nursultan Nazarbaevtyń strategııalyq bastamalary, bolashaqty boljaı biletin kóregendiligi, sarabdal saıasatkerligi arqasynda kópultty memleketimiz damýdyń dańǵyl jolyna tústi.

Osy oraıda, Qazaqstan Teatrlar qaýymdastyǵy Táýelsiz Qazaqstannyń ekinshi Prezıdenti Qasym-Jomart Toqaevtyń, Tuńǵysh Prezıdent qurmeti úshin Astana qalasynyń atyn Nursultan dep ózgertý, elimizdegi qalalardyń árbir úlken kóshesine Tuńǵysh Prezıdenttiń esimin berý, monýment ornatý týraly usynysyn qoldap, Qazaqstannyń damýyna serpin bergen jańa elordamyzdyń búgingi ahýalyna qarap, onyń negizgi avtory retinde Nursultan Ábishuly dep tanyp, rızashylyq sezimmen «Astana - Elbasynyń erligi» dep sanaımyz. Endigi tańda, elordany «Nursultan» qalasy dep atap, el úshin de, Elbasy úshin de, elorda úshin de marqaıyp júretin boldyq», - delingen úndeý-hatta.

Qujatqa qol qoıǵandar: QR Teatrlar qaýymdastyǵynyń prezıdenti Asanáli Áshimov, M.Áýezov atyndaǵy Qazaq memlekettik akademııalyq drama teatrynyń dırektory S.Ábdiqalyqov, Respýblıkalyq nemis drama teatry dırektory N. Dýbs, Ǵ.Músirepov atyndaǵy Qazaq memlekettik balalar men jasóspirimder teatrynyń dırektory A.Satybaldy, Memlekettik Respýblıkalyq Koreı mýzykalyq komedııa teatry dırektory L.Nı, M.Lermontov atyndaǵy Memlekettik Akademııalyq orys drama teatrynyń dırektory ıÝ.ıAkýshev, Q.Qojamııarov atyndaǵy Memlekettik respýblıkalyq uıǵyr mýzykalyq komedııa teatrynyń dırektory R.Tohtahýnov, Sats atyndaǵy balalar men jasóspirimderge arnalǵan Memlekettik akademııalyq orys teatry dırektory mindetin atqarýshy O. Gostev, Memlekettik Qýyrshaq teatrynyń dırektory T.Esenalıev, M.Ótemisuly atyndaǵy Atyraý oblystyq akademııalyq drama teatrynyń dırektory B.Djamenov, N.Jantórın atyndaǵy Mýzykalyq drama teatrynyń dırektory N.Muhanov, Q.Qýanyshbaev atyndaǵy Qazaq Memlekettik drama teatrynyń dırektory A.Seksenbaev, «Astana jastar» teatrynyń dırektory E.Jumataev.

Joǵary qaraı