Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Arysta maqta ósirýdiń ozyq tehnologııalary talqylandy

2019 jyldyń 23 mamyr 2019 05:36

ARYS. QazAqparat -Túrkistan oblysy, Arys qalasynda aldyńǵy qatarly ozyq tehnologııalardy qoldana otyryp, maqta daqylyn egýdiń jańa tehnologııalarymen tájirıbe almasý boıynsha semınar-keńes ótti. Bul týraly QazAqparat ákimdiktiń baspasóz qyzmetine silteme jasap habarlaıdy.

Kezdesý Baıyrqum aýyl okrýginde «SPK-1» óndiristik kooperatıviniń egistik alqabynda uıymdastyryldy.

Semınar-keńeske oblystyq aýyl sharýashylyǵy basqarmasynyń qyzmetkerleri, ǵylymı-zertteý ınstıtýtynyń mamandary, aýdan, qala ákimderiniń orynbasarlary, aýdandyq aýyl sharýashylyǵy bóliminiń basshylary, aýyl okrýg ákimderi men taýar óndirýshiler qatysty. Kezdesýde maqta daqylyn egýdiń ınnovatsııalyq tıimdi ádisteri týraly, sondaı-aq maqta daqylyna memleket tarapynan beriletin qoldaýlar aıasynda baıandamalar jasaldy.

Elbasy - Tuńǵysh Prezıdent N.Á.Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda eńbek ónimdiligin jáne qaıta óńdelgen aýyl sharýashylyǵy óniminiń eksportyn 2022 jylǵa qaraı 2,5 ese kóbeıtý mindetin tapsyrǵan bolatyn.

Osy rette ónim kólemin kóbeıtý úshin Túrkistan oblysynda qarqyndy jumystar bastalyp, «SPK-1» aýyl sharýashylyǵy óndiristik kooperatıvi 2019 jyly qurylǵan. Onda aldyńǵy qatarly ozyq tehnologııalardy qoldana otyryp, 200 gektar jerge maqta daqyly egilgen. Kooperatıv gektarynan 60-80 tsentnerden ónim alý josparlaýda. Oblys boıynsha ortasha ónimdilik 24-25 tsentnerden bolsa, atalǵan sharýashylyq 3-eseden artyq ónim kóp alýdy kózdeýde. Sharýashylyqta aldaǵy ýaqytta jalpy 5 myń gektarǵa maqta daqylyn egilip, 500 adamdy jumyspen qamtylmaq. Joba quny - 5mlrd.teńge.

Atalǵan sharýashylyqta 1-dana LS-2284 jer aıdaıtyn traktor, 2-dana Djondır traktor, 2-dana tuqym sepkish, 2-dana tyńaıtqysh shashatyn, 1-dana aınalmaly soqa, 1-dana jer tegistegish tehnıkalarymen qamtamasyz etilgen. Sharýashylyqtaǵy tuqym sepkish bir mezette 6-qyzmet atqarady. Atapaıtqanda, egiletin maqtanyń júıek aralyq qatardaǵy iri kesekterin shyǵarady, tamshylatyp sýǵaratyn shlangasyn tastaý, plenkasyn jabý, plenkany jelden qorǵaý úshin eki shetin jáne ortasyna topyraq bastyrady, dálme-dál tuqym tastaý qyzmetterin atqarady.

Sharýashylyqta maqta alqaptaryn sýmen qamtamasyz etý úshin 4-dana tik uńǵyma qazylyp iske qosylǵan. Maqta alqaptaryn sýarý úshin 100 paıyz tamshylatyp sýǵarý ádisi endirilip, tolyq avtomattandyrylyp otyr.

Joǵary qaraı