Aýa raıy
Astana -3 °S
Almaty 1 °S
valıýta baǵamy
USD 388.81
EUR 429.01
RUB 6.08
CNY 55.49

Arys mańynda jarylys bolyp, áskerı qyzmetshi qaza tapty

2019 jyldyń 11 qazan 2019 20:04

ARYS. QazAqparat - Búgin Arys qalasy mańynda oq-dári jarylyp, bir adam qaza tapty, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

11 qazanda arnaıy jabdyqtalǵan polıgon aýmaǵynda (Arys qalasynan 60 shaqyrym jerde) jınalǵan oq-dári fragmentterin joıý kezinde oq-dárige ýaqytynan buryn detonatsııa jasalǵan. Saldarynan top jetekshisi, áskerı bólimniń ınjenerlik qyzmetiniń bastyǵy, maıor A. S. Aqyshev qaza tapty.

«Oqıǵa ornynan jetken aqparatqa sáıkes, jumys qajetti qaýipsizdik sharalaryn saqtaı otyryp júrgizildi. Oryn alǵan oqıǵanyń naqty sebebi men saldary anyqtalýda. Arnaıy tergeý toby jumys jasap jatyr. Bul jaǵdaı polıgonǵa jaqyn ornalasqan qala turǵyndaryna qaýip tóndirmeıdi, óńirde úzdiksiz baqylaý júrgizilýde» delingen habarlamada.

Qorǵanys mınıstrligi qaza bolǵan áskerı qyzmetshiniń týystary men dostaryna kóńil aıtady jáne olarǵa barlyq qajetti kómekti kórsetedi.

Joǵary qaraı