Awa rayı
Astana 14 °S
Almatı 15 °S
valyuta bağamı
USD 360.12
EUR 409.67
RUB 5.33
CNY 52.34

Artıq salmaq jïnağan aqtöbelіkterge Lïtva därіgerі ota jasadı

2018 jıldıñ 14 mawsım 2018 16:44 595

AQTÖBE. QazAqparat - Aqtöbe medïcïnalıq ortalığınıñ därіgerlerі artıq salmaq qosqan adamdarğa ota jasaw texnologïyasın meñgerіp jatır. Şeberlіk sabağın Lïtvanıñ Kawnas qalasınan kelgen xïrwrg ötkіzdі, dep xabarlaydı QazAqparat tіlşіsі.

 Aqtöbede medïcïnalıq klasterdі damıtw maqsatında älemnіñ jetekşі elderіnen därіgerler kelіp, täjіrïbe sabağın ötkіzіp jatır. Bul jolı Aqtöbege Lïtvadan xïrwrg Almantas Malyaskas keldі. Ol Kawnas qalasındağı wnïversïtet emxanasında jumıs іsteydі. Aqtöbege jumıs saparı kezіnde törtіnşі deñgeylі artıq salmaq jïnağan 7 adamğa ota jasadı. Ota laparoskopïyalıq ädіspen jasalıp, aqtöbelіk därіgerler täjіrïbe jïnadı. Barlıq operacïya onlayn rejіmde körsetіlіp, medïcïnalıq ortalıq därіgerlerі konferenc-zaldan qarap otırdı. Professor Almantas Malyaskastıñ aytwınşa, artıq salmaqtan arılwğa arnalğan otanıñ bul türі keñ taralğan.


null 

«Ota kezіnde asqazannıñ kölemі kіşіreytіlіp, negіzgі qalpına keltіrіledі. Munday otadan soñ adam öz salmağın turaqtı ustap tura aladı. Sonımen qatar, boyğa jïnalğan artıq salmaqtıñ 75 payızınan arılwğa boladı»,- dedі professor Almantas Malyaskas.

Ayta keteyіk, Lïtva därіgerі artıq salmaqqa dwşar bolğan 5 balanı qabıldap, keñes berdі. Xïrwrg küzde tağı kelіp, bіrneşe ota jasap, aqtöbelіk därіgerler täjіrïbe jïnaydı. Al Aqtöbe medïcïnalıq klasterіn damıtw maqsatında bawır, büyrek awıstırw otası Oñtüstіk Koreya därіgerlerіnіñ kömegіmen jasaldı. Sonımen qatar, Resey därіgerlerі de öz täjіrïbelerіmen bölіsedі. Ewropanıñ jetekşі elderіnen täjіrïbe jïnaw jumısı ärі qaray jalğasadı. 

 

 

Joğarı qaray