Aýa raıy
Astana -6 °S
Almaty -3 °S
valıýta baǵamy
USD 388.81
EUR 429.01
RUB 6.08
CNY 55.49

Qazaqstanda emhanaǵa tirkeý bastaldy

2019 jyldyń 16 qyrkúıek 2019 12:59

ALMATY. QazAqparat – Qazaqstanda halyqty emhanaǵa tirkeý naýqany bastaldy. Bıyl tirkeý «eGov» elektrondyq úkimet veb-portaly arqyly júrgiziledi. Ol úshin elektrondyq tsıfrlyq qoltańba qajet. Bul týraly búgin Almaty ákimdiginde ótken baspasóz máslıhatynda «Áleýmettik medıtsınalyq saqtandyrý qory» kommertsııalyq emes aktsıonerlik qoǵamy Almaty qalalyq fılıalynyń dırektory Tileýhan Ábildaev aıtty, dep habarlaıdy QazAqparat tilshisi.

Tileýhan Ábildaevtyń aıtýynsha, tirkeýdiń avtomattandyrylýy azamattardy emhanaǵa «syrttaı» tirkeý faktileriniń aldyn alýǵa kómektesedi. Sonymen qatar, erkin tańdaý prıntsıpi qaıta qaraldy.

«Burynǵy tártip boıynsha emhanany tańdaýda terrıtorııalyq shekteý qoıylmaıtyn. Bul naýqastarǵa úıde kómek kórsetý jaǵynan kóptegen qıyndyqtar týdyrdy. Turǵylyqty jerindegi emhanaǵa emes, basqa jerdegi klınıkaǵa tirkelgen adamdarǵa ásirese, júkti áıelder men jańa týǵan balalarǵa úıge baryp qyzmet kórsetý dárigerlerdiń jumysyn qıyndatyp jiberdi. Osyǵan baılanysty, normatıvtik bazaǵa ózgerister engizildi», - dep túsindirdi fılıal basshysy.

Tirkeý barysynda otbasylyq prıntsıpke basymdyq berilmek. Sondyqtan, ata-anasy men balalary bir emhanada tirkelgeni abzal. Al 18 jasqa tolmaǵan balalardy zańdy ókili tirkeı alady.

«Emhana ózi qyzmet kórsetetin aımaqtan tys jerde turatyn azamattardy, sondaı-aq bastapqy medıtsınalyq-sanıtarlyq kómek kórsetetin mekeme júktemesi shekten asyp ketken jaǵdaıda tirkeýden bas tartýy múmkin. Qoldanystaǵy normatıvterge sáıkes, ýchaskedegi jalpy praktıka dárigeri qaraıtyn patsıentter sany 1700-den aspaýy tıis. Qazir elimizde ýchaskelerdi shaǵyndap, qaıta uıymdastyrý jumystary qarqyndy júrip jatyr. Bul dárigerge túsetin júktemeni azaıtyp, qyzmet sapasyn arttyrady. Sebebi, dáriger aldyna kelgen adamǵa kóbirek ýaqyt bólip, muqııat tekserýi tıis. Bul máseleniń ásirese, medıtsınalyq saqtandyrý júıesin engizý qarsańynda ózektiligi artyp otyrǵany sózsiz», - deıdi Tileýhan Ábildaev.





Qazirgi tańda Almatyda josparlanǵan medıtsınalyq 88 ýchaskeniń ornyna 131 ashyldy.

«Ýchaskelerdiń jalpy sany 895-ke jetti. Nátıjesinde bir dárigerdiń júktemesi 1529 adamǵa deıin qysqardy», - dedi Almaty qalasy Qoǵamdyq densaýlyq basqarmasy bastyǵynyń orynbasary Ásel Bısenbaeva.

Azamattar emhanany tirkeý naýqanynan basqa ýaqytta da aýystyra alady. ıAǵnı, basqa jerge qonys aýdarǵan jaǵdaıda jylyna bir ret, emdeý mekemesi qaıta qurylsa nemese Qormen kelisimshartty buzǵan jaǵdaıda basqa emdeý mekemesine tirkelýge bolady. Sonymen qatar, elimizde turatyn ár turǵyn jylyna bir ret ózi turatyn aýmaqtyq birlik sheńberinde emhana aýystyra alady.


Avtor Alma Muqanova
Basty sózder: Almaty, Medıtsına, Aımaq,
Joǵary qaraı