Aýa raıy
Astana -6 °S
Almaty -2 °S
valıýta baǵamy
USD 389.34
EUR 428.78
RUB 6.05
CNY 55.45

Arys qalasynda tórt áskerı qyzmetshi jaralandy

2019 jyldyń 14 qyrkúıek 2019 01:19

ARYS. QazAqparat – Arys qalasynda tórt áskerı qyzmetshi jaralandy, dep habarlaıdy QazAqparat QR Qorǵanys mınıstrligine silteme jasap.

«Búgin Arys qalasynyń aýmaǵynda áskerı qyzmetshiler qoıma aýmaǵyn oq-dáriniń bólshekterinen tazartýǵa qatysty josparly jumysty júrgizý kezinde qoparylys boldy. Tótenshe jaǵdaıdan keıingi joıý jumystaryn júrgizgen 4 kelisim-shart áskerı qyzmetshisi jaraqat aldy. Olardyń barlyǵy áskerı bortpen Almaty qalasyndaǵy Qorǵanys mınıstrliginiń áskerı klınıkalyq gospıtaline jetkizildi», delingen habarlamada.

Mınıstrliktiń baspasóz qyzmetiniń málimetinshe, osy oqıǵa boıynsha Áskerı polıtsııa tekserý júrgizip jatyr. sondaı-aq turǵyndarǵa keler qaýip joq ekendigin qaperge saldy.

«Turǵyndarǵa eshqandaı qaýip joq, jaǵdaı tolyq baqylaýǵa alynǵan. Eske sala ketsek, qala aýmaǵyn jáne oq-dárini saqtaý nysandaryna jaqyn aýmaqtardy tazartqannan soń oq-dárilerdiń negizgi bólikteri ásker bólim aýmaǵynda tur, turǵyndarǵa eshqandaı qaýip tónip turǵan joq. Sonymen birge, áskerı bólimdegi áskerı qyzmetshilerdiń oq-dári bólikterin jınaý jáne joıý jumystaryna belgili bir ýaqyt kerek. Osyǵan baılanysty Qorǵanys mınıstrligi resmı málimet taratýshy organdarǵa senip, rastalmaǵan aqparatty taratpaýdy suraıdy», delingen habarlamada.

Sondaı-aq Qorǵanys mınıstrligi turǵyndarǵa kúdikti zattardy taýyp alǵan jaǵdaıda dereý 102 nómirine habarlasýdy, ári óz betinshe eshqandaı áreket jasamaý kerektigin eskertedi.


Joǵary qaraı