Aýa raıy
Astana 11 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Batysqazaqstandyq doıbyshyǵa halyqaralyq grossmeıster ataǵy berildi

2019 jyldyń 23 tamyz 2019 20:51

ORAL. QazAqparat – Batysqazaqstandyq doıbyshy Altynaı Jumageldıevaǵa halyqaralyq grossmeıster ataǵy berildi, dep habarlaıdy QazAqparat tilshisi.

Altynaıdyń ákesi ári jeke bapkeri, Qazaqstannyń eńbek sińirgen jattyqtyrýshysy Danııar Jumageldıevtiń aıtýynsha, bul joǵary ataq Halyqaralyq doıby federatsııasynyń sheshimimen Bolgarııanyń Kranevo qalasynda doıbydan álem chempıonatynyń ashylý saltanaty kezinde búgin tabys etildi.

Altynaı qazaqstandyq qyzdar arasynda mundaı ataqqa birinshi bolyp qol jetkizdi. Osyǵan deıin bul ataqty Reseıde júrgen qazaq qyzy Janna Sarshaeva ıelengen.

Altynaı Jumageldıeva – doıbydan jastar arasynda alty dúrkin álem chempıony. Bul jolǵy dúnıejúzilik dodaǵa ol 27 jasqa deıingi jastar arasynda baq synaýda.

A.Jumageldıevanyń osylaısha tabysty óner kórsetýine BQO doıby federatsııasynyń prezıdenti Jarqyn Tájiǵalıev te óz úlesin qosyp keledi.

Avtor Eljan Eraly
Basty sózder: Batys Qazaqstan oblysy, Sport,
Joǵary qaraı