Aýa raıy
Astana 10 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Ádilbek Sársembaev Almaty aýdandaǵy túıtkildi problemalardy atady

2019 jyldyń 23 tamyz 2019 14:53

NUR-SULTAN. QazAqparat – Nur-Sultan qalasy Almaty aýdanynyń ákimi Ádilbek Sársembaev aýdandaǵy túıtkildi problemalardy atady, dep habarlaıdy QazAqparat tilshisi.

«Júrgizilip jatqan jumystarǵa qaramastan turǵyn úı alaptarynda birqatar problema bar. Olardy sheshý barlyq memlekettik organdardyń uıymdasyp istegen jumysyna baılanysty. Eń aldymen jol ınfraqurylymy problemalaryna toqtalsam, abattandyrylǵan joldar men turǵyn úı alaptaryna barar joldar joq. Olar jalpy uzyndyǵy 20 shaqyrymdy quraıtyn 34 kóshe men 21 shaqyrymdy quraıtyn Ońtústik-shyǵys shaǵyn aýdanyndaǵy 45 kósheniń joldary», - dedi ol elorda ákimdiginde ótken qoǵamdyq tyńdaý barysynda.

Aýdan ákiminiń aıtýynsha, birqatar turǵyn alaptarynynda asfalt tóselgen joldar joq. Sonyń saldarynan laı men balshyq qala kóshelerin lastap jatady.

«2011 jyly «Internatsıonalnyı», «Mıchýrıno», «Kúıgenjar» turǵyn úı alaptarynda Kólik jáne jol-kólik ınfraqurylymy basqarmasy tarapynan jol men ınfraqurylym salý jumystary bastalǵanymen aıaqtalmaı qaldy. 2016 jyly «Jeleznodorojnyı» turǵyn úı alabynda, Baıyrqum kóshesindegi uzyndyǵy 5 shaqyrymdy quraıtyn jolda qurylys jumysy bastalyp, asfalt tóseldi. Biraq, jol ashylǵan joq. Bul eldi meken turǵyndaryna qolaısyzdyq jasap, úlken keıistik týyndatady», - dedi Á.Sársembaev.

Sonymen qatar atalǵan turǵyn úı alaptarynda sýyq pen jelden qorǵaıtyn qoǵamdyq kólik aıaldamalary jetispeıdi. 4 jyly jáne 16 jelden qorǵaıtyn pavılon qajet. Almaty aýdanynyń «Mıchýrıno», «Internatsıonalnyı», «Kúıgenjar» turǵyn úı alabynda kóshelerdi jaryqtandyrý jáne sýmen jabdyqtaýda da problema bar.

Avtor Marlan Jıembaı
Basty sózder: Nur-Sultan, Turǵyn úı,
Joǵary qaraı