Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

TÚRKSOI jastary kameralyq orkestriniń alǵashqy kontserti Túrkistannan bastalady

2019 jyldyń 23 tamyz 2019 10:51

TÚRKІSTAN. QazAqparat - Túrik keńesiniń 10 jyldyǵyna oraı TÚRKSOI Jastar kameralyq orkestriniń kontserti Túrkistan qalasynda bastalady.

Atalmysh sharany QR Mádenıet jáne sport mınıstrligi, TÚRKSOI Halyqaralyq uıymy, Túrkistan oblysy ákimdigi birlesip uıymdastyrady. Bul týraly Jastar resýrstyq ortalyǵynda ótken baspasóz-máslıhatynda TÚRKSOI Halyqaralyq uıymynyń Bas hatshysy Dúısen Qaseıinov málimdedi.

«Ózderińizge belgili, Halyqaralyq TÚRKSOI uıymy 2017 jyly Túrkistan qalasyn «Túrki áleminiń mádenı astanasy» etip jarııalaǵan bolatyn. Óte joǵary deńgeıde ótken bul halyqaralyq iri jobanyń izin sýytpaı, ótken jyly Elbasymyzdyń bastamasymen oblys ataýy «Túrkistan oblysy» bolyp ózgertilip, oblys ortalyǵy Túrkistan qalasyna kóshirildi. QR Tuńǵysh Prezıdenti, Elbasy Nursultan Nazarbaev óziniń «Uly Dalanyń jeti qyry» maqalasynda «Jańa oblys ortalyǵy retinde Túrkistandy damytý barysynda onyń halyqaralyq arenadaǵy bedelin júıeli túrde arttyrý qajet» degen bolatyn. Bizdiń uıym osy maqsatta ótken jyly da jańa ashylǵan oblys ortalyǵynda birneshe shara uıymdastyrǵan edi. Bıyl da sol dástúrimizdi jalǵastyryp, TÚRKSOI Jastar kameralyq orkestriniń kezekti kontserttik týrnesin 2017 jylǵy «Túrki áleminiń mádenı astanasy» – Túrkistan qalasynan bastap otyrmyz», – dedi Bas hatshy D.Qaseıinov.




Otandyq jáne sheteldik ónerpazdardyń qatysýymen ótetin kontserttiń barysy men maqsatyna arnalǵan baspasóz konferentsııasyna Reseıdiń eńbek sińirgen ártisi Salavatov Renat Salavatuly, QR eńbek sińirgen qaıratkeri, dırıjer Aqbarov Anvar Asqaruly, Ázerbaıjan elinen kelgen dırıjer, halyqaralyq baıqaýlardyń laýreaty Mehmendarov Mustafa Ádiloglý da qatysty.

Kontserttik baǵdarlama Qazaqstannyń Túrkistan, Shymkent, Taraz, Almaty qalalarynda, Qyrǵyzstannyń Bishkek jáne Ázerbaıjannyń Baký qalalarynda jalǵasatyn bolady.

Búginge deıin quramynda 10 eldiń 100-den astam talantty jastary óner kórsetken orkestrge bul joly Tatarstannan Renat Salavatov, Qazaqstannan Anvar Akbarov, Ázerbaıjannan Mustafa Mehmendarov dırıjerlik etetin bolady.

Atalǵan qalalar men sheteldegi kontsert 27 tamyz – 9 qyrkúıek kúnderi aralyǵynda ótedi.

Joǵary qaraı