Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Atyraýlyq «Jasyl el» sarbazdary oblys aýmaǵyn 180 tekshe metr qoqystan tazartty

2019 jyldyń 23 tamyz 2019 05:38

ATYRAÝ. QazAqparat - 1 maýsymnan bastap búgingi kúnge deıin «Jasyl el» jasaǵy 25-ten astam ekologııalyq aktsııa uıymdastyryp, oblys aýmaǵynan 180 tekshe metr qoqys shyǵarǵan, sondaı-aq 9 000-nan astam aǵashtardy sýaryp retke keltirdi, dep habarlaıdy QazAqparat tilshisi.

Atyraý oblysynyń Óńirlik kommýnıkatsııalar qyzmetiniń habarlaýynsha, aǵymdaǵy jyldyń maýsym-shilde aılarynda 2 000-nan astam sarbaz qala men oblys aýdandarynyń aýmaǵyndaǵy 1467 gektar jerdi tazalady. Budan bólek, kúzgi maýsymda «Jasyl el» sarbazdary munaıly ólkeni kógaldandyrý boıynsha keń aýqymdy jumystardy josparlap otyr.
«Jasyl el» jasaǵy 1 maýsymnan 31 qazanǵa deıin jumys jasaıdy. Qazirgi ýaqytta jastar eldi mekenderdi abattandyrý, jasyl jelekterdi kútý, sýarý boıynsha jumystar júrgizip jatyr. Barlyǵy 2 200 sarbaz bar, olardyń 199-i kúzgi maýsymda jumys jasaıtyn bolady. Jastar kóshetterdi otyrǵyzý boıynsha eńbek etedi«, - deıdi «Jasyl el» jastar eńbek jasaǵynyń basshysy Abylaı Qurmetuly.

Avtor Abaı Abylaıuly
Basty sózder: Atyraý oblysy, Ekologııa,
Joǵary qaraı