Aýa raıy
Astana 3 °S
Almaty 5 °S
valıýta baǵamy
USD 388.96
EUR 432.21
RUB 6.09
CNY 54.99

Úndistan elektrondy sıgaretke tyıym salmaq

2019 jyldyń 23 tamyz 2019 04:24

NUR-SULTAN. QazAqparat – Úndistan densaýlyq saqtaý mınıstrligi eldiń barlyq aýmaǵynda elektrondy sıgaretti shyǵarýǵa, ımporttaýǵa, satýǵa tyıym salýdy jáne muny buzǵandardy túrmege qamaýǵa deıin jazalaýdy usyndy. Bul týraly beısenbide Reuters agenttigi atalmysh vedomostvonyń el úkimetiniń qaraýyna jibergen baıandamasyna silteme jasap habarlady.

Úndistan Densaýlyq saqtaý mınıstrligi eletrondy sıgaretke tyıym salý balalar men jasóspirimderdiń jappaı áýestenýine tosqaýyl qoıý úshin qajet degen senimde.

Sondaı-aq, baıandamada: eger sıgaret shyǵarý, ımporttaý jáne satýǵa tyıymdy qaıtalap buzǵan jaǵdaıda úsh jylǵa deıin bas bostandyǵynan aıyrýdy jáne 500 myń rýpıı kóleminde ($7000) aıyppul tóleýdi engizý kórsetilgen.

Al eger birinshi ret buzǵan bolsa, jeńildeý jaza: bir jylǵa deıin túrmege otyrǵyzý nemese 100 myń rýpıı ($1400) aıyppul tóleý usynylyp otyr.

Aıta ketsek, 1,35 mlrd halqy bar Úndistanda 106 myń eresek adam shylym shegedi. Bul el temekini paıdalaýdan álemde Qytaıdan keıin ekinshi oryn alady.Jyl saıyn 900 myń úndilik temeki shegýdiń saldarynan týyndaıtyn dertterden kóz jumady

Búgingi tańda Úndistandaǵy 29 shtattyń 16-synda jáne jeti ákimshilik aýmaǵynda elektrondy sıgaretke tyıym salynǵan.

Basty sózder: Álem,
Joǵary qaraı