Aýa raıy
Astana -3 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

SQO-da ıgerilmeı bos jatqan jerler memleket menshigine qaıtarylýda

2019 jyldyń 22 tamyz 2019 21:23

PETROPAVL. QazAqparat – Soltústik Qazaqstan oblysynda jerdi alyp, alaıda ıgermeı otyrǵan sharýashylyqtardan alqaptar memleket ıeligine qaıtarylyp jatyr, dep habarlaıdy QazAqparat tilshisi.

SQO Jer ınspektsııasy basqarmasy mamandarynyń málimetinshe, sońǵy bes jyldyń ishinde jalpy aýmaǵy 2,9 mln ga-da 1887 tekserý júrgizildi. Nátıjesinde 1,7 mln ga jer zańnamasyn buzýdyń 985 deregi anyqtaldy.

«Osy jerlermen jumys júrgizý nátıjesinde 529 myń gektar jerde buzýshylyqtar joıyldy. ıAǵnı egistikterge egin egilip, jaıylymdarǵa maldar jaıyla bastady. Tekserý nátıjeleri boıynsha jaldaý sharttaryn buzý jolymen 658,3 myń gektar jer memleket menshigine qaıtaryldy. Bul - 74 sharýashylyqtyń jeri.

Bıyl 316 tekserý júrgizilip, jartysyna jýyǵynda buzýshylyqtar anyqtaldy. 5392 ga aýyl sharýashylyq jeri kelisim sharttardy buzý arqyly, 10,6 myń ga sot arqyly memleket menshigine qaıtaryldy. Qazirgi ýaqytta 3 sharýashylyqtyń 20 myń ga astam ıgerilmegen alqaptaryn qaıtarý sotta qaralyp jatyr. Jyl sońyna deıin osyndaı 15 sharýashylyqpen jumys isteımiz», - deıdi SQO Jer ınspektsııasy basqarmasynyń basshysy Beıbitbek Jaılybaev.

Maqsatsyz paıdalanylǵan jáne ıgerilmeı bos jatqan jerlerdi memlekettik qorǵa qaıtarý jumystary Petropavl qalasynda da júrgizilip jatyr. Jer ınspektsııasymen bıyl oblys ortalyǵynda jalpy aýmaǵy 2,5 ga 10 ýchaske alyndy. Taǵy 20 jer paıdalanýshy óz erkimen ýchaskelerin qaıtardy.

«Mysalǵa alatyn bolsaq Petropavl mańyndaǵy 20 gektar jer májbúrlep alyndy. «Shyǵys Elıon» JShS jer ýchaskesin 20 jyldan artyq ıgermegen. Bul orynǵa endi kópbeıindi úlken aýrýhana salynady. Oblys ortalyǵynda kóptegen jer bos, paıdalynylmaı jatyr. Kásipkerler ol ýchaskelerdi bir-birine satyp kelgen. Maqsatty paıdalanylmaǵandyqtan bul jerler qaıtarylady, sáýletti ǵımarat turǵyzyp, jumys oryndaryn ashatyn kásipkerlerge beriledi», - deıdi Beıbitbek Jaılybaev.

Basqarma mamandarynyń málimetinshe, sońǵy 5 jyl ishinde jer zańnamasy normasyn buzýshylarǵa 1024 nusqama berilip, jalpy somasy 64 mln teńgege 621 ákimshilik jaza qoldanyldy. Jerdi ıgermegenderge salyq 10 ese ulǵaıtylady. Búgingi kúnge 442,1 mln teńge shamasynda salyq salynsa, onyń 38,5 mln osy jylǵa tıesili.

Joǵary qaraı