Aýa raıy
Astana -4 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Krıshtıaný Ronaldý kásibı mansabyn aıaqtaıtynyn aıtty

2019 jyldyń 22 tamyz 2019 21:08

NUR-SULTAN. QazAqparat – Portýgalııa ulttyq quramasynyń jáne Týrınniń «ıÝventýs» klýbynyń shabýylshysy Krıshtıaný Ronaldý keler jyly kásibı mansabyn aıaqtaýy múmkin. Bul týraly fýtbolshynyń ózi aıtty, dep habarlaıdy QazAqparat.

Jańa maýsym qarsańynda áıgili fýtbolshy Portýgalııanyń TVI arnasyna suhbat berdi.

«Jeńis ataýly qashanda mańyzdy ári oǵan toımaısyń, biraq erteń jeńe almaı qalsam ol aqyrzaman emes. Bastysy, jigeriń qum bolmaýy kerek. Eger motıvatsııa bolmasa, men fýtbol oınaǵandy qoıar edim. Bálkim, ol aldaǵy jyldyń enshisinde shyǵar. Biraq men 40 jasqa deıin, 41-ge deıin de dep tebe alamyn», - dedi fýtbolshy.

Bes dúrkin Altyn dop ıegeri mansabynyń sońyna deıin fýtboldan lázzat alatynyn jetkizdi.

«Dál qashan toqtaıtynymdy bilmeımin, bir biletinim – sońǵy sátterge deıin fýtboldan lázzat alamyn, jumys isteımin. Meniń ár tańym solaı atady. Bárin beretin – eńbek. Tipti Nobel syılyǵynyń ıegerleri de qudaı bergen darynynan tys, kóp eńbektenedi. Tek sporttan ǵana emes, basqa salalardan da úlgi alǵandy unatamyn», - dedi Ronaldý.

Basty sózder: Sport,
Joǵary qaraı